У Гродне затрымлівалі галоўнага рэдактара Hrodna.life Аляксея Шоту. Яго адпусцілі да суда
Затрыманне адбылося 30 мая ў 13.45 каля дома журналіста.
Аляксея затрымалі, калі ён выйшаў з кватэры забраць у былой жонкі электрадухоўку. З мікрааўтобуса выйшлі некалькі мужчын. «Сталі пытацца: «Гэта ваша? Куды несяце? А потым пад руку, і ў бус, і павезлі», - сказала дзяўчына. Спачатку яго павезлі, а потым вярнулі дадому.
Дома ў Аляксея правялі агляд. Каля 15.00 Аляксея павезлі на здымную кватэру — верагодна, правесці агляд.
Паводле інфармацыі Hrodna.life, у дачыненні да Аляксея ідзе разбіральніцтва па арт. 17.11 КаАП «Распаўсюд, выраб, захоўванне, перавозка інфармацыйнай прадукцыі, якая змяшчае заклікі да экстрэмісцкай дзейнасці або прапагандуе такую дзейнасць».
Пазней міліцыя паведаміла: «Падчас маніторынгу сеткі інтэрнэт супрацоўнікамі Ленінскага РАУС Гродна выяўлены факт размяшчэння сайтам Hrodna life інфармацыйнай прадукцыі, прызнанай ва ўстаноўленым парадку экстрэмісцкай».
Раней Шоту ўжо штрафавалі на 25 базавых, а выданне на 400 базавых за тое, што ў іх на сайце знайшлі матэрыял «аднаго і таго ж телеграм-канала, раней прызнанага экстрэмісцкім».
***
Пазней стала вядома, што Аляксея Шоту адпусцілі да суда.
У яго забралі ноўтбук, тэлефон, тры старыя дыскі і бчб-парасон.
Цяпер чытаюць
Кіберпартызаны і хакеры Silent Crow узламалі «Аэрафлот» і знішчылі яго ІТ-інфраструктуру. У расійскіх аэрапортах — хаос32
Кіберпартызаны і хакеры Silent Crow узламалі «Аэрафлот» і знішчылі яго ІТ-інфраструктуру. У расійскіх аэрапортах — хаос
«Людзі, будзьце пільныя! У такой сітуацыі можа апынуцца кожны жыхар ЕС!» Грамадзянін Літвы, асуджаны ў Беларусі да 13 гадоў за «шпіянаж», перадаў ліст з калоніі3939
«Людзі, будзьце пільныя! У такой сітуацыі можа апынуцца кожны жыхар ЕС!» Грамадзянін Літвы, асуджаны ў Беларусі да 13 гадоў за «шпіянаж», перадаў ліст з калоніі39
«Калі Расія нападзе на NATO, Калінінград будзе знішчаны ў першыя ж гадзіны. Але могуць прайсці два тыдні, перш чым дадатковыя сілы прыбудуць у Літву» — генерал Бэн Ходжэс1616
«Калі Расія нападзе на NATO, Калінінград будзе знішчаны ў першыя ж гадзіны. Але могуць прайсці два тыдні, перш чым дадатковыя сілы прыбудуць у Літву» — генерал Бэн Ходжэс16
«Незалежнасць не падае з неба і не даецца назаўсёды. Яе трэба абараняць». Ціханоўская выступіла з заявай да 35-годдзя прыняцця Дэкларацыі аб суверэнітэце5555
Каментары