Лідар супраціву ў Афганістане назваў пагрозы для Расіі ад прыходу талібаў да ўлады
У лідара Фронту нацыянальнага супраціву Афганістана Ахмада Масуда пакуль не было кантактаў з афіцыйнымі прадстаўнікамі Расіі. Пра гэта ён паведаміў у тэлефонным інтэрв'ю РБК 24 жніўня.
На думку Масуда, Расія павінна быць зацікаўленая ў такіх кантактах, бо «калі экстрэмісцкая ідэалогія будзе ўкаранёная тут, то запалыхае ва ўсёй Цэнтральнай Азіі і на поўдні Расіі, тады экстрэмізм будзе на ўздыме».
«Пасля таго як Талібан узяў Кабул, мы бачылі, як шмат груповак па ўсім свеце павіншавалі іх і цяпер ставяць у прыклад сваім сябрам, кажучы, што тыя таксама змогуць такога дамагчыся. Так што гэта ўсё можа прывесці да эскалацыі і з'яўлення большай колькасці тэрарыстаў, якія захочуць прыйсці ў Цэнтральную Азію або дэстабілізаваць поўдзень Расіі. Я ўпэўнены, што гэта ў іх [Расіі] інтарэсах — умяшацца і дапамагчы стварэнню тут інклюзіўнага ўрада», — сказаў Масуд.
На ягоную думку, Масква можа дапамагчы правесці «нешта накшталт экстранных мірных перамоў паміж намі і Талібанам і пераканаць іх прыйсці на іх».
Цяпер чытаюць
Мінгандлю выпадкова зліло дакумент, у якім паказала, як і за што налічвае прэміі11
Каментары