У ваколіцах Клімаўка (Падляшша), у зоне надзвычайнага становішча, у полі знайшлі цела маладога чалавека. Дакументы сведчаць аб тым, што гэта 24-гадовы сірыец, які раней знаходзіўся ў Беларусі, паведаміў прэс-сакратар паліцыі Падляшша Томаш Крупа, паведамляе Радыё Свабода.
Расследаванне абставін і прычын смерці мужчыны праводзіць пракуратура ў Сакулцы. Яно датычыць забойства чалавека па неасцярожнасці.
Крупа сказаў, што цела было знойдзена ў сераду падчас патрулявання тэрыторыі паліцэйскім верталётам.
— Цела мужчыны было знойдзена ў полі, — дадаў ён. — Папярэднія высновы сведчаць аб тым, што гэта труп чалавека, які раней знаходзіўся ў Беларусі, аб чым сведчаць дакументы, знойдзеныя побач з ім, — паведаміў Крупа.
— Побач з целам знойдзены беларускія візавыя дакументы ад 15 верасня. Такім чынам, усё сведчыць аб тым, што гэты чалавек прыехаў у Беларусь у сярэдзіне верасня, сказаў Крупа.
Гэта пяты падобны выпадак у Польшчы на мяжы з Беларуссю.
Цяпер чытаюць
«У Віцебску заходзіў у тралейбус і казаў «Слава Украіне!». Украінца ў 67 гадоў пасадзілі за каменты, напісаныя пасля гібелі хроснай дачкі пад абстрэлам у Кіеве4
Каментары