У Алжыры мясцовыя паліцыянты здолелі выкрыць злачынную сетку, якая складалася з 14 чалавек. Яна займалася незаконным абаротам цяжкіх наркотыкаў і гандлем людзьмі. Прытым была вельмі вынаходлівая: чарнаскурых мужчын грыміравалі пад белых жанчын, а капсулы з наркотыкамі праглыналі і перавозілі ў страўніку ды кішэчніку, піша sawahpress.com.
У заяве для прэсы лейтэнант паліцыі Валі Насер Хадж з Цэнтральнай акругі судовай паліцыі бяспекі горада Вілая ў Алжыры пацвердзіў, што гэтая « злачынная сетка, якая складаецца з 14 чалавек, у тым ліку чатырох алжырцаў і 10 іншаземцаў, ва ўзросце ад 20 да 45 гадоў, перапраўляла праз мяжу людзей, апранаючы іх у жаночую вопратку і наносячы на твары касметыку». Прытым рабілася гэта так па-майстэрску, што ў выніку чарнаскурыя мужчыны рабіліся вонкава белымі жанчынамі.
Таксама група гандлявала какаінам і гераінам, для дастаўкі на тэрыторыю Алжыра праглынаючы капсулы з імі. Па словах чыноўніка, у выніку аперацыі было знойдзена і канфіскавана 780 г гераіну, 670 г какаіну, 50 г канабісу, а таксама фармацэўтычныя матэрыялы і абсталяванне, якія выкарыстоўваюцца пры падрыхтоўцы наркотыкаў.
Лейтэнант паліцыі расказаў, што падазраваных паказалі медыкам, якія знайшлі ў іх у кішэчніках «іншародныя целы». Маўляў, члены гэтай злачыннай групы «праглынулі гераін і какаін у выглядзе капсул, каб прайсці кантроль, а пасля мець магчымасць атрымаць іх назад праз экскрэменты, затым змяшаць з фармацэўтычнымі матэрыяламі і распаўсюджваць у цэнтры горада».
«Выскачыць на вуліцу ў кароткіх спаднічках — гэта вы маглі. І ўсіх гвалтавалі там». Лукашэнка ўспомніў кіношнікам 2020-ы і заклікаў спыніцца16
Каментары