Ранкам 25 лютага каля 6 гадзін лідскім ратавальнікам паступіла паведамленне аб тым, што гарыць гараж.
З аднаго з боксаў выбіваўся шчыльны дым, піша прэс-служба выратавальнікаў. Дзверы ў гараж аказаліся зачыненыя.
Ратавальнікі ўскрылі гараж — унутры гарэў легкавы аўтамабіль «Рэно», у боксе было моцнае задымленне.
У яме гаража ратавальнікі знайшлі 42-гадовага мужчыну, вынеслі яго на чыстае паветра і перадалі брыгадзе хуткай дапамогі. Яго шпіталізавалі ў рэанімацыйнае аддзяленне раённай бальніцы.
Прычыны здарэння высвятляюцца.
Каментары