Грамадства

Аб'явілі збор на надмагільны помнік памерламу за кратамі Ігару Ледніку 

На платформе «Байсол» аб'явілі збор на ўсталяванне помніка на магіле палітвязня з Барысава Ігара Ледніка. Пра смерць за кратамі гэтага праваабаронцы, грамадскага і палітычнага дзеяча стала вядома 20 лютага. Збор на помнік адкрыў сын нябожчыка.

Тры гады зняволення (а па факце смяротны вырак) Ігар Леднік атрымаў ад суддзі Таццяны Шоцік за свае крытычныя публікацыі. Ён стаў пятым палітычным вязнем, які памёр у турме.

Ігар Леднік нарадзіўся 12 снежня 1960 года ў Менску. Ён атрымаў вышэйшую тэхнічную адукацыю і ў пачатку 1990 гадоў быў заснавальнікам і кіраўніком камерцыйных прадпрыемстваў «Ясон» і «Ліма». Ігар адным з першых у Беларусі стаў абаронцам правоў прадпрымальнікаў — ён быў ініцыятарам стварэння Каардынацыйнай рады па інтэлектуальнай уласнасці і каардынатарам праваабарончага руху «Наша Беларусь», намеснікам дырэктара «Цэнтра абароны правоў уласнасці, кіраўнікоў і прадпрымальнікаў». Ён таксама далучыўся да партыйнага руху — быў сябрам Беларускай сацыял-дэмакратычнай партыі, публікаваў публіцыстычныя артыкулы ў Беларусі і за мяжой.

Ігар Леднік быў затрыманы 12 красавіка 2022 года. Яго абвінавацілі ў паклёпе на Лукашэнку і асудзілі на тры гады калоніі. Паводле матэрыялаў справы, Леднік прадставіў для публікацыі ў адзін з часопісаў артыкул з загалоўкам «Міжнародна прызнаны нейтралітэт Беларусі — гарантыя бяспекі ў рэгіёне АБСЕ». У ім нібыта ўтрымліваліся «заведама лжывыя звесткі, якія ганьбяць і зневажаюць гонар і годнасць Лукашэнкі, злучаныя з абвінавачаннем у асабліва цяжкіх злачынствах, у тым ліку супраць бяспекі чалавецтва».

Свой тэрмін палітвязень адбываў у Бабруйскай калоніі №2. У чэрвені 2022 года ягоная адвакатка паведаміла, што стан здароўя палітвязня пагоршыўся, Ігар знаходзіўся ў санчасці следчага ізалятара ў ляжачым стане. У ліпені стала вядома, што актывісту зрабілі аперацыю на страўнікава-кішачным тракце.

Прычынай смерці палітвязня стала спыненне сэрца. Медыкі спрабавалі яго рэанімаваць, аднак беспаспяхова. Ігар Леднік памёр у турэмным шпіталі ў Калядзічах, куды быў планава дастаўлены з бабруйскай калоніі №2, дзе адбываў тэрмін.

Падтрымаць збор можна па спасылцы, але ні ў якім разе не варта данаціць з беларускіх ці расійскіх картак.

Чытайце таксама: 

«Пастаўце чарку на магіле мне». Сын памерлага палітвязня Ледніка пра апошнюю размову з бацькам

На развітанне з памерлым у няволі Ігарам Леднікам прыйшлі 10 чалавек

«Ён вельмі чакаў, што яго перавядуць у шпіталь і пачнуць лячыць». Ігар Леднік спадзяваўся на дапамогу да апошняга

Што вядома пра памерлага палітвязня Ігара Ледніка

Былы палітвязень: Ігар Леднік казаў мне, што хутчэй за ўсё памрэ ў калоніі

Каментары

 
Націсканне кнопкі «Дадаць каментар» азначае згоду з рэкамендацыямі па абмеркаванні.

Цяпер чытаюць

У Кіеве забіты палкоўнік СБУ. Расійскія каналы пішуць, што ён займаўся дыверсіямі ў Расіі2

У Кіеве забіты палкоўнік СБУ. Расійскія каналы пішуць, што ён займаўся дыверсіямі ў Расіі

Усе навіны →
Усе навіны

У Гомелі мужчына парэзаў сабе шыю на прыпынку, сам не ведаючы навошта

ЗША павялічаць закуп ракет для «Пэтрыят» у 4 разы

Вучоныя: 75% выпадкаў раку страўніка можна прадухіліць з дапамогай простага лекавання4

Банкаўскі працэсінгавы цэнтр вызначыў новы дэдлайн для вяртання грошай на карткі. Два ўжо праваленыя4

Аб'яднаны пераходны кабінет прызналі ў Беларусі «тэрарыстычнай арганізацыяй»5

Ваяр з Беларускага добраахвотніцкага корпуса: Я жыў у ружовай бурбалцы14

Арыштавалі чыноўніцу з Мінздароўя — выкрылі схему нелегальнай пастаўкі лекаў у Беларусь5

У Мінску мужчына парваў пашпарт былой жонкі, каб не пакідаць ёй сваё прозвішча1

Шуневіч з жонкай не выйгралі права на паляванне на мядзведзя. Конкурс праводзіла арганізацыя Шуневіча4

больш чытаных навін
больш лайканых навін

У Кіеве забіты палкоўнік СБУ. Расійскія каналы пішуць, што ён займаўся дыверсіямі ў Расіі2

У Кіеве забіты палкоўнік СБУ. Расійскія каналы пішуць, што ён займаўся дыверсіямі ў Расіі

Галоўнае
Усе навіны →

Заўвага:

 

 

 

 

Закрыць Паведаміць