Ва Узбекістане адкрыюць цэнтры моўнай падрыхтоўкі будучых працоўных мігрантаў. Рускай навучаць не будуць
У спісе запатрабаваныя мовы — англійская, нямецкая, японская, карэйская і арабская.
Ва Узбекістане створаць цэнтр па навучанні грамадзян замежным мовам і мэтавай падрыхтоўцы да працы за мяжой. Адпаведная пастанова ўрада прынятая 17 красавіка, паведамляе Мінюст Узбекістана.
Адной з асноўных задач цэнтра з'яўляецца арганізацыя працэсаў адбору працадаўцамі грамадзян Узбекістана, якія хочуць працаваць за мяжой. Іх будуць вучыць прафесіям і замежным мовам.
У рамках навучальных курсаў навучэнцы будуць вывучаць англійскую, нямецкую, японскую, карэйскую, арабскую і іншыя запатрабаваныя замежныя мовы. Выглядае, што рускай мовы ў спісе няма.
У 2010-я у школах Узбекістана на рускай мове навучалася 9-10% вучняў.
Рускую мову роднай лічаць каля 3% жыхароў краіны.
Каментары