Меркаванні1616

Былы дыпламат Мацукевіч: Рэжым шле сігналы аб сваёй гатоўнасці нешта абмяркоўваць

«Я думаю, што ўладаў цікавіць магчымасць нармалізацыі адносін», — кажа Павел Мацукевіч.

Аляксандр Лукашэнка. Фота: Pavel Bednyakov, Sputnik, Kremlin Pool Photo via AP

У эфіры «Еўрарадыё» былы дыпламат, а цяпер старшы даследчык Цэнтра новых ідэй, кіраўнік ініцыятывы MALDZIS Павел Мацукевіч выказаў свой пункт гледжання на тое, чаму Лукашэнка вызваляе некаторых палітвязняў.

За гэтым стаіць упэўненасць Лукашэнкі ў сваіх сілах і жаданне перазагрузіць адносіны з Захадам у 2025 годзе, лічыць Мацукевіч.

«Рэжым відавочна шле сігналы аб сваёй гатоўнасці нешта абмяркоўваць, бо Аляксандр Лукашэнка відавочна збіраецца прыняць удзел у выбарах 2025 года. І паколькі яго асабіста могуць цікавіць толькі пытанні захавання, умацавання ўлады і, адпаведна, прызнання, то, я думаю, канчаткова мэта — паспрабаваць «захаваць стары файл».

Мацукевіч адзначае, што адносіны з Захадам могуць трансфармавацца з «рэжыму супрацьстаяння і прамой канфрантацыі» ў «рэжым суіснавання».

На думку былога дыпламата, з-за таго, што канфрантацыя з Захадам знаходзіцца ў актыўнай фазе, Лукашэнка не выпускае знакавых фігур і працягвае рэпрэсіі.

«Я думаю, што ўладаў цікавіць магчымасць нармалізацыі адносін. Пра 2019-ты тут марыць складана, але прынцыпова ў гэтым [нармалізацыі адносін з Захадам] мы павінны ўсе быць зацікаўлены».

Ён лічыць, што санкцыі — не ў інтарэсах беларусаў, а канфрантацыя з Захадам адсякае нашу краіну ад Еўропы.

Мацукевіч перакананы: «Улада ў 2025 годзе не зменіцца, і, магчыма, яна не зменіцца і ў 2030-м. Максімальна, на што можна разлічваць, гэта на транзіт улады дзе-небудзь да 2030-га года. І гэта было б сур'ёзным зрушэннем. Але пра гэта таксама трэба дамаўляцца».

Мацукевіч мяркуе, што «мы згубілі чатыры гады ўпустую». Пытанне пра транзіт улады трэба было ставіць у той момант, калі былі пратэсты, калі стала зразумела, што ўлада нікуды не сыдзе, а крывая пратэстаў пайшла ў бок згасання.

Alexander Matsukevich Аляксандр Мацукевіч Александр Мацукевич
Аляксандр Мацукевіч. Скрын відэа: EuroradioLive / YouTube

«Рэпрэсіўнае жыццё, якое цяпер квітнее ў Беларусі, таксама не з'яўляецца нармальным станам для гэтага рэжыму. Гэты рэжым у прынцыпе гатовы мірыцца і цярпець шмат чаго, акрамя замаху на ўладу. Праблема ў тым, што кожны раз, калі ён бачыць прыкметы гэтага замаху, ён дастае самую вялікую дубіну».

У сітуацыя, што склалася, Мацукевіч не бачыць магчымасцей для пачатку дыялогу дэмакратычных сіл з уладамі. Былы дыпламат мяркуе, што дэмакратычным сілам варта накіраваць усю энергію на вызваленне палітвязняў і спыненне рэпрэсій.

Каментары16

  • Сонейка
    24.09.2024
    Што за ******! >:(
  • Ганьба
    24.09.2024
    Чарговая кансерва лопнула. "Мы патрацілі ўпустую" - я не патраціў, а вось што рабіў былы рэжымны дыпламат - пытанне. Затое не пытанне, што і для каго ён робіць зараз.
  • Пацукевіч
    24.09.2024
    Мацукевіч стварае ўражанне абсалютна слізкага тыпа. Такі персанаж - ідэальны кандыдат, каб быць двайным ці трайным агентам. А яшчэ мяне заўсёды дзівяць патрабаванні і прэтэнзіі да апазіцыі, што яны не вызвалілі палітвязняў. Але ж не апазіцыянеры ўзялі закладнікаў, а рэжым лукашэнкі. То і выпускаць павінен лукашэнка, а не апазіцыя. Вось і гэты "эксперт" туды ж: "дэмакратычным сілам варта накіраваць усю энергію на вызваленне палітвязняў і спыненне рэпрэсій". Гэта пустыя словы. Энергію трэба накіроўваць туды, дзе будзе вынік, - на ўсебаковую падтрымку беларусаў у замежжы і на эвакуацыю ахвяраў рэжыма. І толькі на гэта.

Цяпер чытаюць

«Я хачу справядлівасці — і для жанчын, і для сябе». Шчырая гутарка з Андрэем Стрыжаком пра скандал з дыкпікамі, залежнасці і будучыню58

«Я хачу справядлівасці — і для жанчын, і для сябе». Шчырая гутарка з Андрэем Стрыжаком пра скандал з дыкпікамі, залежнасці і будучыню

Усе навіны →
Усе навіны

Вядучая «Марафону адзінства» ў падтрымку Лукашэнкі адпачывала ў Латвіі27

На поўначы Брэста працягвае смярдзець, улады заклікаюць «не панікаваць»2

Са Швецыі дэпартуюць яшчэ адну беларускую сям'ю11

Пад Быхавам адкрылі помнік археалагічнай знаходцы 1960 года. Ён падобны да надмагілля

Ва Украіне пад уплывам пратэстаў вяртаюць незалежнасць антыкарупцыйным органам8

У Мёрах падлетак прадаваў парнаграфію, выкарыстаўшы нумар суседа

Берасцеец ператварыў сямітонны валун у каменную ванну5

Мінчукі скардзяцца на атручванне пасля наведвання вядомага рэстарана. Працу ўстановы прыпынілі7

«Саўт-парк» жорстка высмяяў Трампа. Белы дом рэзка асудзіў12

больш чытаных навін
больш лайканых навін

«Я хачу справядлівасці — і для жанчын, і для сябе». Шчырая гутарка з Андрэем Стрыжаком пра скандал з дыкпікамі, залежнасці і будучыню58

«Я хачу справядлівасці — і для жанчын, і для сябе». Шчырая гутарка з Андрэем Стрыжаком пра скандал з дыкпікамі, залежнасці і будучыню

Галоўнае
Усе навіны →

Заўвага:

 

 

 

 

Закрыць Паведаміць