Міністэрства аховы здароўя аб'яднала ў адну спецыяльнасць дактароў-стаматолагаў для дарослых і дзяцей. Пры гэтым пазіцыю «доктар-стаматолаг дзіцячы» выключылі з наменклатуры пасад медыцынскіх і фармацэўтычных работнікаў, паведамляе прэс-служба міністэрства.
Такое рашэнне было прынята для паляпшэння даступнасці стаматалагічнай дапамогі на ўсіх узроўнях, уключаючы сельскую мясцовасць. На думку міністэрства, гэта адбудзецца за кошт больш шырокага кола дактароў, якія змогуць яе аказваць.
Усіх стаматолагаў будуць цяпер рыхтаваць па адзіным адукацыйным стандарце па спецыяльнасці «Стаматалогія». Падчас навучання студэнты будуць атрымліваць базавыя навыкі па ўсіх раздзелах стаматалогіі, у тым ліку і па дзіцячым узросце. Практычныя навыкі і кампетэнцыі для аказання тэрапеўтычных і хірургічных відаў стаматалагічнай дапамогі студэнты будуць атрымліваць падчас праходжання інтэрнатуры.
У ведамстве адзначаюць, што дзіцячыя кабінеты, а таксама аддзяленні паліклінік застануцца, як і сістэма паслядыпломнай падрыхтоўкі ўрачоў-спецыялістаў.
«Плакалі ўсе». Выпускнікі дзеляцца сваімі эмоцыямі ад месцаў размеркавання
У Рагачове за «распаўсюд экстрэмізму» судзілі кіраўніцу стаматалагічнага кабінета
Стаматолаг расказала пра распаўсюджаную памылку наконт малочных зубоў
Карыстаецеся вадкасцю для паласкання рота штодня? Дактары засцерагаюць ад гэтага
Мінгандлю выпадкова зліла дакумент, у якім паказала, як і за што налічвае прэміі10
Каментары