«Непаразуменне наконт умоў аплаты працы». Кіраўніцтва «Суседзяў» сустрэнецца з работнікамі крамы, якая баставала ў Слуцку
Галоўны офіс «Суседзяў» пракаментаваў інфармацыю аб страйку ў краме ў Слуцку.
Гандлёвая сетка «Суседзі» апублікавала афіцыйную заяву з нагоды страйку ў краме ў Слуцку. У сетцы назвалі тое, што адбылося, «непрыемным інцыдэнтам». Аднак заявілі, што крама адчынілася ў свой час.
«Учора ў нашай краме ў горадзе Слуцку адбыўся непрыемны інцыдэнт — двое з 22 супрацоўнікаў крамы адмовіліся прыступіць да сваіх абавязкаў.
Тым не менш крама ў стандартным рэжыме пачала сваю працу ў 7.00 — працавалі касы самаабслугоўвання, ажыццяўлялася адпуск тавараў пакупнікам, што пацвярджаецца запісамі камер відэаназірання», — гаворыцца ў заяве.
У «Суседзяў» лічаць, што праблемы ўзніклі «з-за непаразумення асобнымі супрацоўнікамі ўмоў аплаты ў кампаніі». Кіраўніцтва збіраецца правесці нечарговую сустрэчу з работнікамі крамы.
«Для больш дэталёвага тлумачэння ўсіх пераваг працы ў краме, а таксама форм і спосабаў матэрыяльнага заахвочвання, кіраўніцтвам кампаніі, 25 красавіка будзе праведзена нечарговая сустрэча з калектывам крамы», — паабяцалі ў «Суседзяў».
Нагадаем, слуцкі партал паведаміў, што раніцай 24 красавіка крама «Суседзі» не адчынілася своечасова з-за страйку супрацоўнікаў. Паводле інфармацыі выдання, пасля павелічэння рэжыму працы да 2 гадзін ночы задач у персаналу стала значна больш, супрацоўнікі неаднаразова звярталіся да кіраўніцтва з просьбай падняць зарплаты. Міні-страйк стаў апошняй кропляй і спробай дастукацца да адміністрацыі сеткі.
Пазней у «Суседзяў» заявілі, што страйку не было, а працаваць адмовіліся не дзевяць чалавек, а ўсяго двое.
-
Ціханоўскі расказаў, як за дапамогу яму асудзілі іншага вязня, што сядзеў не за палітыку
-
«Стаяць на сваім, кожны наколькі можа!». Вялікая гутарка з Наталляй Дулінай пра гопнікаў з ГУБАЗіКа, Калеснікаву і што там у каго ў калоніі
-
«Калеснікаву перад сустрэчай з бацькам спрабавалі прывесці ў парадак — яна была на ўзмоцненым харчаванні»
Цяпер чытаюць
«Стаяць на сваім, кожны наколькі можа!». Вялікая гутарка з Наталляй Дулінай пра гопнікаў з ГУБАЗіКа, Калеснікаву і што там у каго ў калоніі5
Каментары