Гэты парадокс — юрыдычны перажытак XIX ст.
Гэты парадокс — юрыдычны перажытак XIX ст.
У дзяржавы Ватыкан самы нізкі ўзрост сэксуальнай згоды ў Еўропе — 12 гадоў. Гэта азначае, што ў гэтым горадзе‑дзяржаве дарослыя могуць уступаць у палавыя зносіны з дванаццацігадовымі дзецьмі — пры іх згодзе, распавядае нямецкая Die Welt.
Аўтар артыкула Лукас Вігельман называе гэты феномэн «юрыдычным перажыткам XIX ст.» Тады ў італьянскім крымінальным праве ўзрост сэксуальнай згоды складаў 12 гадоў. Калі ў 1929 годзе Ватыкан быў заснаваны ў сваім сённяшнім выглядзе, там быў прыняты італьянскі крымінальны кодэкс.
З тых часоў, гаворыцца далей у артыкуле, у кодэкс ўносіліся розныя змены, напрыклад, была скасаваная смяротнае пакаранне, але гэтага артыкула перамены не закранулі, хоць у Італіі ўзрост сэксуальнай згоды быў падвышаны да 14 гадоў.
Дадзеная калізія, адзначае аглядальнік, выклікае спрэчкі ў правазнаўцаў. Некаторыя, напрыклад прафесар Манфрэд Новак з Вены, упэўнены, што Каталіцкая царква свядома захоўвае ўзрост сэксуальнай згоды на такім нізкім узроўні.
У пацвярджэнне свайго меркавання Новак спасылаецца на Мальту і Іспанію. На Мальце ён такі ж нізкі, а ў Іспаніі ўзрост сэксуальнай згоды быў павялічаны з 12 да 13 гадоў усяго сем гадоў таму.
Як вядома, рэзюмуе выданне, у Еўропе мала краін, больш адданых каталіцызму, чым Мальта і Іспанія.
Цяпер чытаюць
«Народ павінен на гэту ўладу маліцца». Лукашэнка патрабуе, каб пасля арміі хлопцы вярталіся строга на ранейшыя месцы працы9
«Народ павінен на гэту ўладу маліцца». Лукашэнка патрабуе, каб пасля арміі хлопцы вярталіся строга на ранейшыя месцы працы
Стаў героем Магілёўскага ўнівера, збіраў фальклор, працаваў на беларусізацыю садкоў — расказваем пра Яўгена Бойку, асуджанага за салідарнасць з палітвязнямі77
Каментары