Сёньня быў павешаны Садам Хусэйн. Ён думаў, што законы назаўжды піша ён. І забыўся пра закон чалавечнасьці. Ягоныя былыя ахвяры не зьлітаваліся над ім.
Сёньня быў павешаны Садам Хусэйн.
У пачатку лістапада суд прызнаў Садама вінаватым ў забойстве 148 шыітаў і прысудзіў да сьмяротнага пакараньня за злачынства супраць чалавечнасьці. 26 сьнежня Апэляцыйны суд падтрымаў прысуд і загадаў выканаць яго цягам месяца. У лістах з-пад шыбеніцы Хусэйн падае сябе як мучаніка і чалавека, які ўсё жыцьцё кіраваўся інтарэсамі Іраку. Між тым пры жыцьці па ягоным загадзе жывым людзям адрывалі органы цела, а дзяцей труцілі газам.
Садам Хусэйн быў адным з найбольшых самадураў сучаснага сьвету. У часе свайго панаваньня Садам пачаў крывавыя войны з Іранам і Кувэйтам, перасьледаваў шыітаў і курдаў унутры краіны.
Піначэт, Мілошавіч, Ніязаў памерлі ў няславе, але сваёй сьмерцю, Хусэйн жа, арыштаваны амэрыканскімі акупацыйнымі сіламі, стаў перад судом і атрымаў сьмяротны прысуд усяго за невялікую частку сваіх дзеяньняў.
Праціўнікі сьмяротнага пакараньня пратэствалі, да іх далучыліся Эўразьвяз і Папа, але ірацкія ўлады павесілі Садама, як толькі той вычарпаў законныя магчымасьці аспрэчваць прысуд.
Ён думаў, што законы назаўжды піша ён. І забыўся пра закон чалавечнасьці. Ягоныя былыя ахвяры не зьлітаваліся над ім.
Цяпер чытаюць
«Стаяць на сваім, кожны наколькі можа!» Вялікая гутарка з Наталляй Дулінай пра гопнікаў з ГУБАЗіКа, Калеснікаву і што там у каго ў калоніі13
Каментары