Прафесар Савіцкі заклікаў Пракаповіча адмовіцца ад звання «Герой Беларусі»
Каб зняць дэвальвацыю з самага высокага ганаровага звання — Герой Беларусі — прапаную Вам асабіста здзейсніць сапраўды гераічны ўчынак.
«Герой Беларусі, ганаровае званне, вышэйшая ступень адзнакі і дзяржаўная ўзнагарода за выключныя заслугі перад дзяржавай і грамадствам, звязаныя з подзвігам, здзейсненым у імя свабоды, незалежнасці і росквіту Рэспублікі Беларусь (Беларуская энцыклапедыя, т.5, стр. 193)».
Паважаны Пятро Пятровіч, ваша імя, ваша асоба ўжо ўвайшлі ў сучасную гісторыю Беларусі. Вы актыўна далучыліся, ўліліся ў каманду першага прэзідэнта Рэспулікі Беларусь, шмат гадоў былі кіраўніком Нацыянальнага банка Рэспублікі Беларусь. Ваша карысная дзейнасць для народа будзе адэквана ацэнена ў гісторыі Беларусі.
Вы адзін з першых уганараваны ў суверэннай Беларусі самым высокім званнем і ордэнам — Герой Беларусі. Магчыма, гэта ёсць вялікая трагедыя для Вас.Так сталася, што вынікі Вашай тэарэтычнай і практычнай палітыкі сталі катастрофай для жыхароў Беларусі. Не буду прыводзіць Вашы афіцыйныя заявы, якія, адны праз некалькі дзён, другія праз два месяцы, аказаліся абманам. Вы кінулі народ у хаос. Разбураны валютны рынак.
Народ паверыў Вам і Ураду і ў гэтых умовах захоўваў у банках беларускія рублі.А ў выніку дэвальвацыі, па дадзеных вядомых эканамістаў,
укладчыкі банкаў на рахунках у нацыянальнай валюце страцілі 1,3 міліярда долараў. Банкі і дзяржава фактычна канфіскавала большую частку зберажэнняў насельніцтва.Падарвана ў народа самае каштоўнае — давер нашай роднай дзяржаве.
Таму, паважаны Петр Пятровіч,
каб зняць дэвальвацыю з самага высокага ганаровага звання — Герой Беларусі — цяпер, сёння, а не перадаваць гэта рабіць нашым дзецям і унукам, — прапаную Вам асабіста здзейсніць сапраўды гераічны ўчынак — адмоўцеся ад гэтай узнагароды.Перакананы, што Вы адчуеце пасля гэтага фізічны, інтэлектуальны і духоўны уздым. Станеце моцным і здаровым, маральна ачышчаным.
-
«Абурае не тое, што Меркель хацела дамаўляцца з Пуціным у 2021-м, а тое, што ў 2025‑м не хоча прызнаць: дамаўляцца з ім не было пра што»
-
Ці патрэбна беларусам моцная рука? Эканаміст Львоўскі адказаў
-
Пракоп’еў пра скандал вакол Стрыжака: Не трэба кожны выпадак дрэнных манер аналізаваць праз гендар. Гэта пашляціна, яно перашкаджае перамагчы Пуціна
Цяпер чытаюць
Дзядок патлумачыў, чаму вызвалілі менавіта тых палітвязняў, каго вызвалілі6
Каментары