Nieruchomaść pravaabaroncy Stefanoviča znoŭ nie ŭdałosia pradać z małatka
Na aŭkcyjonie «BiełJurZabieśpiačeńnie» znoŭ sprabavali pradać nieruchomaść palitviaźnia Valancina Stefanoviča, adnak achvotnych jaje nabyć iznoŭ nie znajšłosia, zaŭvažyła «Lusterka».
Na tarhi vystaŭlenaja aryštavanaja 1/7 častka administracyjnaha pamiaškańnia ŭ Minsku, jakaja naležyć palitviaźniu Valancinu Stefanoviču. Pieršy raz jaje sprabavali pradać u krasaviku hetaha hoda za 33,3 tysiačy rubloŭ, ale tady pakupnikoŭ nie znajšłosia.
Na druhim aŭkcyjonie, jaki prajšoŭ 25 červienia, pačatkovuju canu źmienšyli da 26 640 rubloŭ. Adnak i hetym razam nie było achvotnych nabyć majomaść, zabranuju ŭ palitviaźnia.
Raniej pravaabaroncy «Viasny» paviedamlali, što pamiaškańnie na vulicy Łožynskaj naležyć jašče šaści siabram pravaabarončaj arhanizacyi. Jano vykarystoŭvałasia dla praviadzieńnia biaspłatnych iventaŭ — lekcyj, dyskusij, vystaŭ.
Akramia taho, raniej dvojčy vystaŭlali na prodaž miniven Citroen C4 Picasso 2016 hoda vypusku, jaki naležyć tamu ž Stefanoviču. Ź pieršaha razu jaho taksama nie pradali, ale ŭ vyniku zabranuju ŭ palitviaźnia mašynu ŭdałosia zbyć za 42 000 rubloŭ.
Na vajnie va Ukrainie zahinuŭ były dyrektar dvuch aršanskich zavodaŭ4
Kamientary