Łukašenka padpisaŭ dyrektyvu, jakoj zabaraniŭ biessensoŭnyja narady
Alaksandr Łukašenka 2 krasavika padpisaŭ Dyrektyvu numar 11 «Ab udaskanaleńni funkcyjanavańnia sistemy orhanaŭ ułady i kiravańnia, uzmacnieńni vykanalnickaj dyscypliny».
Pres-słužba paviedamlaje, što novy dakumient zaklikany navieści paradak u dziaržaŭnym kiravańni: zrabić pracu čynoŭnikaŭ bolš efiektyŭnaj, dyscyplinavanaj i adkaznaj.
Zhodna z Dyrektyvaj, dziaržorhany nie pavinny ŭmiešvacca ŭ spravy adzin adnaho. Zabaraniajecca stvarać roznyja «kansultatyŭnyja» struktury — kamisii, saviety, hrupy — kali jany dublirujuć pracu isnujučych orhanaŭ, kali tolki takoje nie praduhledžana zakonam. Taksama nie vitajucca lišnija narady — navat anłajn.
Ułady płanujuć šyrej užyvać sučasnyja ličbavyja technałohii, bolš vynikova arhanizoŭvać kamandziroŭki i abaviazkova aceńvać, nakolki dobra orhan vykonvaje svaje abaviazki. Heta budzie ŭličvacca pry pryniaćci rašeńniaŭ ab praciahnieńni kantraktaŭ z kiraŭnikami.
Akramia taho, Dyrektyva patrabuje skaracić zališniuju biurakratyju — mieniej zapytaŭ da pradpryjemstvaŭ i bolš paradku ŭ abychodžańni ź infarmacyjaj.
Pamior palitviazień Valancin Štermier. «Ledź chadziŭ paśla insultu — a jaho kinuli ŭ ŠIZA»7
Kamientary
Vyhladaje jak abarona ad stvareńnia svajho DOGE (Departamientu Dziaržaŭnaj Efiektyŭnaści, jakim u ZŠA kiruje Mask) u niejkaj hipatetyčnaj budučyni :)