Пра гэта паведаміла прэс-афіцэр аддзялення інфармацыі і грамадскіх сувязей УУС Віцебскага аблвыканкама Вольга Шкуратава.
Роварны злодзей быў затрыманы супрацоўнікамі Кастрычніцкага РАУС у ходзе аператыўных мерапрыемстваў. Непрацуючы мужчына 1993 года нараджэння, раней судзімы за дачныя крадзяжы, прызнаўся ў тым, што з вясны 2016 года выкраў у віцяблян 9 ровараў і скутар.
«Крадзяжы ён здзяйсняў увечары, выкрадаў ровары, якія былі пакінутыя на лесвічных пляцоўках шматкватэрных жылых дамоў. Злодзей заходзіў у пад'езд разам з жыхарамі, якія вярталіся дадому. Праводзіў разведку: праходзіў па лесвіцы да апошняга паверха і заўважаў, дзе можна пажывіцца роварам. Спецыяльныя тросы, якімі ўладальнікі прымацоўвалі свой транспарт, не былі перашкодай для злодзея — мужчына перакусваў абарону нажніцамі па метале», — распавяла Вольга Шкуратава.
Як правіла, ён краў дарагія ровары, а затым прадаваў іх па нізкай цане (літаральна за 1 млн рублёў). Апошнія крадзяжы былі здзейсненыя зусім нядаўна — 28 чэрвеня (два ровары былі скрадзеныя ў студэнтаў Віцебскага дзяржаўнага універсітэта імя Машэрава). Усе ровары канфіскаваныя і будуць вернутыя ўладальнікам.
Усяго з пачатку года ў Віцебскай вобласці заяўлена аб крадзяжы 219 ровараў. Трэцяя частка злачынстваў здзейсненая ў абласным цэнтры. Праваахоўнікі адзначаюць, што большасць выпадкаў — гэта крадзяжы без узлому, а палова выкраданняў здзейсненая з лесвічных пляцовак. Раскрываць такія злачынствы вельмі цяжка, уладальнікам вяртаецца толькі 30% скрадзенай маёмасці.
Праблема ў тым, што часцяком у пашпарт ровара не ўпісваецца нумар, па якім транспартны сродак можна ідэнтыфікаваць. Таксама праваахоўнікі рэкамендуюць уладальнікам ў якасці замыкальнай прылады выкарыстаць не трос (яго лёгка перакусіць), а прыстасаванні з суцэльнага металу. Акрамя таго, пакідаючы транспарт на вуліцы, каля крам і іншых аб'ектаў, трэба выбіраць месца, якія трапляюць у поле агляду камер назірання.
Ва УУС распавялі і пра кур'ёзны выпадак з крадзяжом ровара, які адбыўся ў Оршы. Там злодзей перафарбаваў свой трафей і пайшоў з ім на мясцовы пляж, каб прадаць каму-небудзь з адпачывальнікаў. Воляю лёсу злачынец прапанаваў ровар яго ўладальніку, які распазнаў сваю маёмасць і паведаміў пра гэта ў міліцыю.
-
У аварыі ў Слуцкім раёне загінулі чатыры чалавекі з адной машыны
-
Жыхар Ваўкавыска падклаў пад штаны пластыкавы кантэйнер і стрэліў сабе ў нагу з вінтоўкі. Ён праводзіў цікавы эксперымент
-
«Забілі маю сястру, а праз некалькі месяцаў здарылася трагедыя са школьніцай». Беларускі — пра маньяка, якога лавілі 25 гадоў
Мінгандлю выпадкова зліла дакумент, у якім паказала, як і за што налічвае прэміі10
Каментары