Што азначае новая іконка ў форме ракеты ў Facebook?
Некалькі дзён таму Facebook дадаў новыя функцыі, якія наблізілі сацсетку да функцыяналу Snapchat. Але некаторыя карыстальнікі заўважылі, што пасля абнаўлення мабільнага дадатка Facebook на некаторых прыладах з’явілася яшчэ адна кнопка — у форме ракеты. Што яна азначае?
Насамрэч Facebook зараз эксперыментуе з выдачай навін, таму іконка з ракетай пераключае вас на альтэрнатыўную стужку навін. Раней шматлікія карыстальнікі скардзіліся на тое, што Facebook выдае ў стужку толькі знаёмы кантэнт, з якім яны сутыкаюцца кожны дзень. Гэта прыводзіла да з’яўлення так званых «інфармацыйных бурбалак», калі карыстальнікі бачылі ў сваёй стужцы толькі тыя навіны, якія ім падабаюцца. І кожная асоба робіцца інтэлектуальна ізаляванай у сваёй «бурбалцы». Новы эксперыментальны алгарытм выдачы навін прадугледжвае паказ навін з тых крыніц, з якімі карыстальнік раней не сутыкаўся.
Альтэрнатыўная стужка навін пакуль даступная толькі на некаторых прыладах iOS і Android.
Гэта не першы выпадак, калі Facebook так актыўна эксперыментуе са сваёй стужкай навін. У 2012 і 2014 гадах сацыяльная сетка спрабавала фармаваць стужку навін згодна з лістом інтарэсаў, але новаўвядзенні так і не прыжыліся.
-
Навуковец распавёў пра геалагічныя загадкі Беларусі: іртуць з зямлі і кратар ад падзення метэарыта, які знішчыў усё жывое ў радыусе тысяч кіламетраў
-
Фальсіфікацыі ў даследаваннях хваробы Альцгеймера. Як вынікі прывялі не туды
-
Беларускія вучоныя пахваліліся папяровымі кубачкамі, вырабленымі па новай тэхналогіі. Такія то рабілі даўно, але нашы дадалі іншае рэчыва
Цяпер чытаюць
«Нейкая Ліза, якой 20 гадоў, судзіцца з Лукашэнкам» — вялікая гутарка з новай віцэ-спікеркай КР Лізаветай Пракопчык10
Каментары