Кіраўнік кампаній Tesla і SpaceX Ілан Маск прадэманстраваў праект хуткаснай падземнай дарогі, перадаюць інфармагенцтвы. Альтэрнатыўны шлях будзе пралягаць пад Лос-Анджэлесам.
Бурэннем зоймецца яшчэ адна кампанія, якая належыць мільярдэру — The Boring Company. Нядаўна ў сеціве з'явіліся фота ўстаноўкі, якая будзе выкарыстоўвацца для пракладкі падземнага маршруту.
Плануецца, што кіроўцы будуць пад'язджаць да спецыяльнай платформы, якая апускаецца пад зямлю. Затым аўтамабілі транспартуюць у патрэбны ім пункт пад зямлёй, у абыход затораў. «Жолабы» для транспарціроўкі будуць размешчаныя на розных узроўнях, што дазволіць хутка даставіць усіх ахвотных да пункта прызначэння.
Платформа зможа разганяцца да 200 км/г. Падарожжа з цэнтра Лос-Анджэлеса ў Вествуд (раён дзелавых кварталаў і ўніверсітэтаў) зойме ўсяго пяць хвілін. Да працы над праектам прыступілі ў тым ліку і інжынеры Tesla. Па словах Маска, ім даводзіцца працаваць ва ўмовах цэйтноту.
Пакуль гатовы пробны ўчастак тунэля, размешчаны на глыбіні 4,5 м, даўжынёй 15 і шырынёй 9 метраў.
-
Кароткія тэксты ад штучнага інтэлекту замест спасылак — Google запусціў новую сістэму пошуку
-
Samsung збіраецца паставіць на смартфонах яшчэ адзін штучны інтэлект, акрамя Gemini
-
«Абсалютна нечаканыя і невытлумачальныя падзеі адбываюцца цяпер каля Зямлі». Выбух сонечнай плазмы паказвае рэкордную хуткасць
Каментары