Расія і Іран падпісалі ядзерны кантракт на $25 мільярдаў на фоне пагрозы новых санкцый
Іран і Расія заключылі маштабнае пагадненне аб будаўніцтве новых атамных электрастанцый на поўдні Ірана.
«Расатам» і кампанія Iran Hormoz падпісалі кантракт на $25 млрд на ўзвядзенне чатырох энергаблокаў у іранскай правінцыі Хармазган, паведамляе Bild.
Гаворка ідзе аб рэалізацыі плана, які Тэгеран распрацоўвае яшчэ з 2014 года: павялічыць магутнасць атамнай энергетыкі да 20 гігават у працягу 15 гадоў. Зараз у краіне працуе толькі адна АЭС, пабудаваная Расіяй, магутнасцю каля аднаго гігавата.
Улады Ірана падкрэсліваюць, што новыя станцыі павінны дапамагчы справіцца з хранічнымі перабоямі ў энергазабеспячэнні.
Звяртае на сябе ўвагу тое, што здзелка была заключаная напярэдадні магчымага вяртання санкцый ААН супраць Ірана. У жніўні Германія, Францыя і Вялікабрытанія актывавалі механізм, які дазваляе аднавіць меры, адмененыя пасля ядзернай угоды 2015 года.
Колькі сёлета трацілі на вяселлі ў Беларусі? Сабралі рэальныя лічбы тых, хто пабываў у ЗАГСе6
Каментары