Творчая лабараторыя Ruda разам з Этнакрамай Рагна ў час Крывых вечароў абвяшчаюць конкурс на найлепшы калядны фотаздымак.
У перыяд да 19 студзеня 2018 г. размяшчайце на сваёй старонцы фотаздымкі з хэштэгам #КалядызРагнай у УКантакце, Фэйсбуку ці Інстаграме.
Тэматыка здымкаў: Каляды, калядаванне і іншыя калядныя абрады, маскі, традыцыйныя калядныя стравы, сімвалы і атрыбуты свята. Да ўдзелу ў конкурсе таксама прымаюцца фотаздымкі прыроды, горада і вёскі, якія адпавядаюць каляднаму сэнсаваму шэрагу.Вітаюцца інфармацыйныя і мастацкія апісанні здымкаў. Выявы мусяць быць уласнымі, але неабавязкова толькі з Калядаў 2017-18 гг.
У нядзелю 21 студзеня, калі ў шэрагу раёнаў Цэнтральнай Беларусі ладзіцца абрад праводзінаў свята «Цягнуць Каляду на дуба», мы абвесцім пераможцу, якога вызначаць арганізатары конкурсу.
Пераможцы атрымаюць падарункі ад творчай лабараторыі Ruda і Этнакрамы Рагна:
1) за першае месца - падарункавы сертыфікат Этнакрамы Рагна на суму 30 руб.;
2) за другое месца - абярэг з салярным знакам;
3) за трэцяе месца - торба «Каляды».
Добрай долі ў гэтыя Крывыя вечары! #КалядызРагнай
На абедзе Лукашэнкі і Сі Цзіньпіна прысутнічала і адзіная дачка кітайскага лідара11
Каментары