Міністр Карпенка: Казаць пра ўвядзенне ў школах ахоўнікаў і намеснікаў дырэктара па бяспецы пакуль рана
У Беларусі выбіраюць аптымальны шлях для паляпшэння сістэмы бяспекі ў школах, аналізуючы пры гэтым замежны вопыт. Пра гэта паведаміў БелТА міністр адукацыі Ігар Карпенка.
Тэма бяспекі ва ўстановах адукацыі актуальная ў розных краінах свету. Беларусь не выключэнне. Ігар Карпенка нагадаў, што да гэтага часу спецыялісты Мінадукацыі прааналізавалі дзейнасць сацыяльна-псіхалагічных службаў устаноў адукацыі, прымяненне нарматыўнай базы па арганізацыі прапускнога рэжыму, забеспячэнню бяспекі і гэтак далей.
«Пытанне абмяркоўваецца. Будзем выбіраць аптымальна прымальнае рашэнне, якое дазволіць зрабіць школу бяспечнай творчай пляцоўкай, сацыякультурным цэнтрам, які будзе адкрыты і для бацькоў, і для навучэнцаў, і для грамадскасці», - падкрэсліў міністр.
Ён звярнуў увагу, што казаць пра ўвядзенне ва ўстановах адукацыі штата ахоўнікаў і пасады намесніка дырэктара па бяспецы пакуль рана.
Пра тое, што такая магчымасць толькі прапрацоўваецца, ішла размова і на круглым стале «Стварэнне бяспечных умоў пры арганізацыі адукацыйнага працэсу» ў прэс-цэнтры БЕЛТА. «Гэта ўсяго толькі абмеркаванне. Не факт, што так будзе. Але разам з тым мы вывучалі, напрыклад, вопыт Расіі, знаёміліся з тым, як арганізавана сістэма бяспекі ва ўстановах адукацыі Турцыі», - распавёў міністр.
Мінадукацыі вызначыла, што ў школах рабіць з мабільнымі тэлефонамі і якім там будзе прапускны рэжым
Лукашэнка строга выказаўся пра ахоўнікаў у школах
На абедзе Лукашэнкі і Сі Цзіньпіна прысутнічала і адзіная дачка кітайскага лідара11
Каментары