У Маскве стартаваў розыгрыш футбольнага 17-га Кубку чэмпіёнаў Садружнасці краін СНД і дзяржаў Балтыі. Беларускі прадстаўнік - МТЗ-РІПА - правёў першы матч.
У Маскве стартаваў розыгрыш футбольнага 17-га Кубку чэмпіёнаў Садружнасці краін СНД і дзяржаў Балтыі.
Беларусь тут прадстаўляе мінскі МТЗ-РІПА – БАТЭ і мінскае «Дынама» адмовіліся ўдзелу.
У першым матчы падапечныя Юр’я Пунтуса гулялі з чэмпіёнам Літвы «Экранасам» з Панявежыса і прайгралі – 0:2.
Заўтра МТЗ-РІПА згуляе з чэмпіёнам Туркменістана «Ашгабатам» (пачатак а 16-й), у аўторак – матч з маладзёжнай зборнай Расіі, але яна выступае на Кубку па-за конкурсам, і таму турнірнага значэння тая гульня на мае.
Сёння расійская маладзёжка, напрыклад, згуляла ўнічыю з «Ашгабатам» -- 0:0.
***
Кубак чэмпіёнаў Садружнасці праводзіцца ў 17-ы раз (упершыню быў разыграны ў 1993 г.)
Ад былой увагі да яго – у 1990-ыя КЧС быў сапраўдным выпрабаваннем для найлепшых постсавецкіх камандаў, двубою расійскага і ўкраінскага чэмпіёнаў – не засталося і следу.
Цяпер топ-каманды або адпраўляюць другія склады, а некаторыя чэмпіёны сваіх краін саступаюць месца іншым камандам.
Так, замест БАТЭ прыехаў бронзавы прызёр нашага першынства МТЗ-РІПА, Узбекістан прадстаўляе сярэбраны прызёр «Пахтакор», Арменію – бронзавы «Арарат» (але там крыху іншыя, «азербайджанскія» прычыны).
Чэмпіён Расіі казанскі «Рубін» прыслаў рэзер, разбаўлены гульцамі асноўнага складу, данецкі «Шахцёр» – наогул трэці склад. З палітычных прычын адмовіўся ўдзельнічаць у турніры чэмпіён Грузіі.
Удзел у турніры бяруць 16 клубаў, падзеленыя на чатыры групы:
Група «А»: «Рубін» (Расія), «Арарат» (Арменія), Актабэ (Казахстан), «Пахтакор» (Узбекістан);
група «В»: Ашгабат (Туркменістан), МТЗ-РІПА (Беларусь), «Экранас» (Літва), маладзёжная зборная Расіі;
група «С»: «Шахцёр» (Україна), «Шэрыф» (Ціраспаль, Малдова), «Левадзія» (Эстонія), «Рэгар-ТадАЗ) (Таджыкістан);
група «D»: «Інтэр» (Баку, Азербайджан), «Інтэр» (Турку, Фінляндыя), «Вентспілс» (Латвія), «Дардой-Дынама» (Кыргызстан).
Дарэчы, малдоўска-прыднястроўскі «Шэрыф» трэніруе беларускі спецыяліст Леанід Кучук.
Каманды праводзяць у групах аднагрупавы турнір, па дзве мацнейшыя выходзяць у чвэрцьфіналы, якія пройдуць у сераду. Паўфіналы – у пятніцу, фінал – у наступную суботу.
Каментары