У Гарадку падлеткі знайшлі ў банкамаце чужую картку і прагулялі грошы
У красавіку пяць непаўналетніх жыхароў Гарадоцкага раёна выявілі ў банкамаце забытую картку, паведамляе Следчы камітэт. Яны скарысталіся ёй і здзейснілі не менш як 52 аперацыі па аплаце тавараў у крамах райцэнтра.
Ведаючы, што пры набыцці тавара, даражэйшага за 20 рублёў, трэба ўводзіць пін-код, яны куплялі дзешавейшыя рэчы. І так прагулялі 330 рублёў з чужой карткі.
Распачатая крымінальная справа за крадзеж шляхам выкарыстання камп'ютарнай тэхнікі.
Следчыя нагадваюць: выявіўшы чужую банкаўскую картку, не спрабуйце праверыць баланс яе рахунку, выкарыстоўваць карту для зняцця грошай або разліку. Такія дзеянні цягнуць адказнасць, прадугледжаную заканадаўствам.
Таксама не варта публікаваць фота з рэквізітамі банкаўскіх карт у сацыяльных сетках: звесткі могуць быць выкарыстаныя зламыснікамі.
Каментары