У судзе Цэнтральнага раёна сёння вынеслі прысуд 30-гадоваму Аляксандру Лянько. Суддзя Вікторыя Шабуня прызнала яго вінаватым паводле ч. 1 арт. 342 Крымінальнага кодэкса і асудзіла да трох гадоў «хіміі», паведамляюць праваабаронцы.
Згодна з абвінавачваннем, мужчына 9-10 жніўня 2020 года «публічна выкрыкваў лозунгі, здзяйсняў гучныя воплескі рукамі, рухаўся ў калоне, аб'яднаўшыся рукамі з іншымі асобамі, наўмысна перашкаджаў руху транспартных сродкаў».
Аляксандр прызнаў віну і распавёў, што накіраваўся ў горад, бо не быў згодны з падлікам галасоў на выбарах.
Да справы былі далучаныя акты аб прыпыненні руху грамадскага транспарту 9 жніўня: Мінсктранс заявіў іск на 3621 рубель шкоды.
Каментары