У Бярозе таксіст паўтара года знішчаў відэакамеры сачэння і наносіў пратэсныя надпісы на дамы міліцыянтаў і дзяржустановы — міліцыя
У Бярозе затрымалі 23-гадовага мужчыну, які паводле МУС, паўтара года знішчаў камеры відэаназірання. Міліцыя сцвярджае, што на яго рахунку 16 пашкоджаных прыбораў.
Акрамя таго, як сцвярджаецца, ён закідваў сцены дамоў міліцыянтаў і дзяржустановы пакетамі з фарбай і алівай, а таксама рэзаў чырвона-зялёныя сцягі.
Пра затрыманне хлопца паведаміла міліцыя Бярозы. Яго імя пакуль не называецца, але твар паказалі ў міліцэйскім відэа.
Міліцыя дадае, што хлопец «неаднаразова краў пакінутую без нагляду маёмасць» і «здзяйсняў учынкі ў стане алкагольнага ап'янення».
Каментары