Украіна будзе дамагацца прызнання Беларусі разам з Расіяй краінай — спонсарам тэрарызму
Украіна хоча, каб міжнародная супольнасць прызнала Беларусь краінай — спонсарам тэрарызму, паведамляе Офіс прэзідэнта Украіны.
Група ўкраінскіх і міжнародных экспертаў 20 красавіка прадставіла план рэкамендацый для міжнароднай дэмакратычнай супольнасці па комплексе далейшых эканамічных мер, скіраваных на прымус расійскага кіраўніцтва да хутчэйшага спынення вайны ва Украіне і максімальнае павелічэнне кошту агрэсіі для Расеі.
Адным з ключавых кірункаў санкцыйнай палітыкі называецца прызнанне Расіі і Беларусі дзяржавамі — спонсарамі тэрарызму, а Узброеных сілаў РФ — тэрарыстычнай арганізацыяй.
Акрамя таго, у плане згадваецца поўная забарона на расійскі экспарт энерганосьбітаў, пашырэнне санкцый супраць фінансавых сектараў Расіі і Беларусі, узмацненне транспартных і страхавых санкцый, пашырэнне гандлёвых эмбарга і персанальных санкцый.
Таксама ў плане адзначаецца важнасць увядзення другасных санкцый і сінхранізацыі намаганняў дэмакратычных краін у санкцыйнай палітыцы.
З'яўленне Расіі і Беларусі ў спісе дзяржаў — спонсараў тэрарызму азначала б увядзенне санкцый супраць любой краіны, якая будзе працягваць весці з імі нармальнае эканамічнае супрацоўніцтва.
Каментары