Арганізатары паведамілі пра перанос канцэрта рэпера Баста ў Мінску. Супраць яго выступалі праўладныя прапагандысты
Арганізатары канцэрту рэпера Баста у Мінску, запланаванага на 5 чэрвеня, паведамілі пра яго перанос. «Новая дата канцэрта цяпер узгадняецца і будзе абвешчаная пазней! Усе раней набытыя квіткі сапраўдныя! Мяняць іх не спатрэбіцца», — гаворыцца на сайце Kvitki.by.
Раней супраць канцэрту Баста ў Мінску выступалі праўладныя актывісты і супрацоўнікі дзяржаўных тэлеграм-каналаў, піша «Медыязона».
6 красавіка телеграм-канал «Ваши сливы» напісаў пост з нагоды маючага адбыцца выступу музыкі: «Што забыўся ў нашай сталіцы рэпер Баста, які ў 2020 годзе тапіў за дзяржпераварот і пісаў пасты ў падтрымку экстрэмістаў?».
11 мая супрацоўнік СТВ Рыгор Азаронак напісаў: «Калі канцэрт Баста пройдзе ў Мінск-Арэне гэта будзе азначаць адно: такія рашэнні ў нас прымае нейкі змагар. Ён падтрымлівае дзяржпераварот, спробу забойства прэзідэнта, санкцыі».
Каментары