Першы нацыянальны тэлеканал і «Беларусь-ТВ» пакажуць у прамым эфіры фінал адборачнага тура міжнароднага дзіцячага конкурсу песні «Еўрабачанне-2009».
10 верасня Першы нацыянальны тэлеканал і «Беларусь-ТВ» пакажуць у прамым эфіры фінал дзіцячага конкурсу «Песня для Еўрабачання» — адборачнага тура міжнароднага дзіцячага конкурсу песні «Еўрабачанне-2009».
Незадоўга да прамой трансляцыі гала-канцэрта фіналістаў у студыі Белтэлерадыёкампаніі прайшоў генеральны прагон шоу, на якім пабывалі карэспандэнты БелаПАН.
Канкурсанты будуць спяваць ужывую, з выкарыстаннем фанаграмы «мінус адзін». Пераможца, які прадставіць Беларусь на дзіцячым конкурсе песні «Еўрабачанне-2009» у Кіеве, вызначыцца па выніках тэлефоннага галасавання тэлегледачоў і прафесійнага журы (50% на 50%).
Згодна з вынікамі лёсавання, фіналісты выступяць у наступным парадку:
1. Кацярына Мяжэнная (Мінск), «Толькі каханне».
2. Гурт «РоКі» — Кірыл Ермакоў і Раман Валазнёў (Мінск), «Толькі наперад!»
3. Дар'я Шульгіна (Гродна), «Вогненныя ноты».
4. Юрый Дземідовіч (Мінск), «Чароўны трусік».
5. Злата Ларчанка (Дзяржынск), «Баба-Яга — 2009».
6. Дзіяна Гузіна (Гродна), «Мару лятаць».
7. Кацярына Мурашка (Магілёў), «Дзень нараджэння».
8. Паліна Клішкова (Магілёў), «За зоркай».
9. Магамед Асланаў (Гродна), «Цік-так».
10. Дзіяна Громава (Гомель), «Гэй, хлопчыкі і дзяўчынкі».
У інтэрв'ю БелаПАН Кірыл Ермакоў падзяліўся:
«Настрой перадконкурсны. Ёсць доля хвалявання, ёсць доля ўпэўненасці, ну і, вядома, мы спадзяёмся на перамогу».
Яго сябар па дуэце «РоКі» Раман Валазнёў паведміў:
«Наша песня пра тое, што трэба імкнуцца толькі наперад, ніколі не азірацца назад. І мы хочам, вядома, каб гэтая песня была ўсім зразумелая, каб мы добра праспявалі і данеслі да гледача».
Гамяльчанка Дзіяна Громава:
«Хвалююся вядома, але трэба верыць у сябе, і тады ўсё атрымаецца.
Доўга думала, якую выбраць песню. Таму што ўсе тэмы ўжо нібыта былі — сонца, дружба… І вырашыла праспяваць пра ўзаемаадносіны хлопчыкаў і дзяўчынак».
На яе думку, сёлета ўсе ўдзельнікі, якія дайшлі да фіналу, — моцныя, усе ёй падабаюцца, «так што цяжка кагосьці выдзеліць».
Расійскія і лукашэнкаўскія спецслужбы на фоне залёту дронаў у Польшчу правялі інфаатаку. Яе зладжанасць дае падставы думаць, што залёт быў спланаваны1515
Каментары