Гэты чалавек проста нічому не вучыцца!
Гэты чалавек проста нічому не вучыцца!
Прэм'ер-міністр Італіі, Сільвіё Берлусконі, зноўку ўблытаўся ў праблемы, калі назваў амерыканскага прэзідэнта, Барака Абаму, а таксама яго жонку Мішэль — «загарэлымі». Інцыдэнт адбыўся на сходзе партыі Берлусконі ў Мілане, калі той вярнуўся з Пітсбурга, з сустрэчы кіраўнікоў 20 індустрыяльна развітых краінаў.
Удзельнікам сходу Берлусконі сказаў, што «перадае сардэчныя прывітані са Злучаных Штатаў, у прыватнасці ад хлопца, як там яго зваць?.. Ну, такі загарэлы… А-а, Барак Абама!»
Падобным парадкам італьянскі прэм'ер-міністр выказаўся і летась, пасля таго, як Амерыка абрала першага чорнаскурага прэзідэнта. Кароткая апісальная характарыстыка («Малады, прыгожы, нават з выдатным загарам»), дадзенае тады італьянскім прэм'ерам Бараку Абаму, прыўзняла ў свеце нямала здзіўленых броваў.
Але сёлета Берлусконі строіў кепікі таксама за рахунак першай амерыканскай спадарыні. «Вы не паверыце, — сказаў Берлусконі. — Яны абое хадзілі на пляж, бо яго жонка таксама загарэлая».
Нібы адчуўшы, які жарт італьянскі прэм'ер-міністр мае адпаліць па вяртанні дадому, на сустрэчы ў Пітсбургу Мішэль трымалася з ім досыць холадна. Амерыканскія СМІ транслявалі карцінку, на якіх Мішэль Абама вітае шмат каго з сусветных лідэраў абдымкамі і пацалункамі, але, калі чарга даходзіць да Берлусконі, жонка амерыканскага прэзідэнта абыходзіцца адным сухім поціскам рукі. На фатаздымках выяўлены Берлусконі, які абглядае сукню Абамы замест таго, каб глядзець у вочы, і падымае рукі на знак захаплення ўбачаным, у той жа час, як Барак Абама цешыцца значна менш.
Цяпер чытаюць
«Народ павінен на гэту ўладу маліцца». Лукашэнка патрабуе, каб пасля арміі хлопцы вярталіся строга на ранейшыя месцы працы9
«Народ павінен на гэту ўладу маліцца». Лукашэнка патрабуе, каб пасля арміі хлопцы вярталіся строга на ранейшыя месцы працы
Стаў героем Магілёўскага ўнівера, збіраў фальклор, працаваў на беларусізацыю садкоў — расказваем пра Яўгена Бойку, асуджанага за салідарнасць з палітвязнямі77
Каментары