У судзе Маскоўскага раёна Мінска вынеслі прысуд экскурсаводу Ігару Хмары. Яму далі 2,5 года «хатняй хіміі», напісалі сябры ў сацсетках. Хлопца судзілі па справе аб грубым парушэнні парадку (частка 1 артыкула 342 КК) падчас удзелу ў мітынгу 16 жніўня 2020 года.
У судзе Хмара прызнаў віну і сказаў, што раскайваецца ў сваіх дзеяннях і «змяніў жыццёвыя прыярытэты». На пасяджэнні таксама паведамілі, што 8 жніўня Хмара напісаў яўку з павіннай «на падставе фота ў інстаграме» за 16 жніўня 2020 года.
Экскурсавода затрымалі ў пачатку жніўня. Вечарам Хмара праводзіў экскурсію па Серабранцы, а паведамленне аб яго затрыманні з'явілася бліжэй да ночы. Гэта была другая падобная экскурсія, збор на якую ён абвясціў у сваіх сацсетках — удзел быў бясплатным.
На ўчарашнім пасяджэнні пракурор запатрабаваў 2,5 года «хатняй хіміі», столькі ж даў суддзя. Ігара вызвалілі ў зале суда.
Цяпер чытаюць
«Напісалі, як я хачу вярнуцца ў святую Расію». Прапаганда перакруціла жарт беларускі і прыдумала фэйк пра загніваючую Амерыку1
Каментары