Пастар праедзе ўздоўж мяжы Беларусі 1000 км у падтрымку палітвязняў
Тарас Цялькоўскі — пастар пратэстанцкай царквы і беларускі бежанец — сёння пачаў велазаезд уздоўж усёй заходняй мяжы Беларусі (па тэрыторыі Латвіі, Літвы, Польшчы). Ён хоча праехаць 1000 км, каб нагадаць пра палітвязняў Беларусі.
Таксама праз агалоску гэтага заезду Цялькоўскі хоча сабраць грошы для сям'і беларускага палітвязня, якому далі 6 гадоў зняволення, а жонка з двума дзецьмі цяпер жыве ў Польшчы.
— У маім ірацыянальным заездзе ёсць адно рацыянальнае звяно — жаданне падтрымаць маладую сям'ю, якая засталася без мужа/бацькі/карміцеля, таму што апошні атрымаў 6 гадоў пазбаўлення волі з узмоцненым рэжымам. Праваабаронцамі Паша (муж Лесі) прызнаны палітычным зняволеным. Леся была вымушаная бегчы ў Польшчу з 2 маленькімі дзецьмі. Дзякуючы падтрымцы сябра Пашы і некаторых цэркваў у Лесі ёсць частковая дапамога на жыццё ў Варшаве, але, натуральна, ніхто ў адзіночку не можа закрыць патрэбы маці з двума маленькімі дзецьмі.
Справаздачу пра заезд пастар публікуе ў інстаграме.
У 2020 годзе Цялькоўскі асудзіў гвалт сілавікоў, пастара затрымлівалі на акцыях пратэсту. У 2021 годзе ён з'ехаў з краіны.
Цяпер чытаюць
Жыхары Грушаўкі і Міхалова застаюцца без дэпутаткі: чэмпіёнка Мірончык-Іванова збіраецца ў дэкрэт13
Каментары