Цёзка любімага шпіца Лукашэнкі выдаў першыя тоны калійнай руды.
Беларускі выемачны камбайн «Умка-550» выдаў першыя тоны калійнай руды ў шахтах «Беларуськалія».
Камбайн, які назвалі гэтак жа, як і шпіца Лукашэнкі, заменіць нямецка-беларускі SL 300/400. Яго выраблялі нямецкая кампанія Eickhoff, з якой «Беларуськалій» супрацоўнічаў дзесяцігоддзі, і салігорская фірма «Холдынг-Іпр». Гэты камбайн працаваў на рудніках «Беларуськалія» з 2013 года, піша выданне «Беларусы і рынак».
Цяпер кампанія ўзяла курс на імпартазамяшчэнне. Паведамляецца, што лакалізацыя камбайна «Умка-550» вытворчасці салігорскага «Машхімпрама» вырасла з 20% да 80%. Распрацоўвалі аналаг нямецкага камбайна паўтара года.
Кіраўнік «Беларуськалія» Іван Галаваты лічыць, што «Умка» ні ў чым не саступае свайму папярэдніку.
«Выраб камбайна практычна завяршыў праграму імпартазамяшчэння для рудніка і цяпер беларускія вытворцы асвоілі ўсю лінейку абсталявання, якое дазваляе забяспечыць здабычу руды і выдачу яе на паверхню для наступнай перапрацоўкі, прычым з якасцю, якая часцяком перавышае імпартныя аналагі», — сцвярджаў Галаваты.
«Машхімпрам» паведамляў, што на выраб аднаго «Умкі» патрабуецца 6-7 месяцаў. Зараз камбайн знаходзіцца на этапе прамысловых выпрабаванняў з мэтай пацвярджэння заяўленых вытворцам тэхнічных характарыстык.
Цяпер чытаюць
Як быць маладым бацькам у 66 гадоў, пра мару і пра новы альбом — у гутарцы з легендаю фолку Іванам Кірчуком1
Як быць маладым бацькам у 66 гадоў, пра мару і пра новы альбом — у гутарцы з легендаю фолку Іванам Кірчуком
«Вайна ўсё спіша». Беларускім удзельнікам гей-прайда ў Вільні пагражалі расправай ад імя беларускіх ваяроў за выкарыстанне бела-чырвона-белага сцяга219219
Каментары
Каб зразумець, што з сабе ўяўляе тэхналагічны лідар галіны Машхімпрам, які сваім Умкай вырашыў ссунуць Eickhoff Gruppe з рынка - дастаткова паглядзець ягоныя працоўныя вакансіі і заробкавыя прапановы. Спойлер - ад смешна да замала з улікам патрабуемай кваліфікацыі :
https://praca.by/organization/109691/