Новую, ужо пятую па ліку, рэдакцыю Чырвонай кнігі Беларусі плануецца выдаць да канца гэтага года. Пра гэта паведаміў першы намеснік міністра прыродных рэсурсаў і аховы навакольнага асяроддзя Аляксандр Корбут на выніковай калегіі ведамства.
«Нацыянальнай акадэміяй навук Беларусі падрыхтаваныя прапановы па актуалізацыі спісаў рэдкіх і знікаючых на тэрыторыі краіны відаў дзікіх жывёл і дзікарослых раслін. Прапануецца ўключыць у яго 213 відаў жывёл і 310 відаў раслін.
Праект пастановы Мінпрыроды знаходзіцца на ўзгадненні з зацікаўленымі. У сувязі са зменамі трэба будзе забяспечыць пятае выданне Чырвонай кнігі да канца года», — расказаў Корбут, якога цытуе агенцтва БелТА.
Прадстаўнік Мінпрыроды адзначыў, што ахоўны статус некаторых жывёл плануецца панізіць з прычыны павелічэння папуляцый:
«Ім надаецца так званы бінарны статус — яны з'яўляюцца дзікімі жывёламі, аднесенымі да відаў, уключаных у Чырвоную кнігу Беларусі, і адначасова паляўнічымі жывёламі пры неабходнасці рэгулявання колькасці».
Першае выданне Чырвонай кнігі Беларусі выйшла ў 1981 годзе, у яго былі ўключаныя 80 відаў жывёл і 85 відаў раслін. Чацвёртае, актуальнае на гэты момант выданне, складаецца з двух тамоў, дзе адзін прысвечаны жывёлам, а другі — раслінам. У яго ўключаныя 203 віды дзікіх жывёл і 303 віды дзікарослых раслін.
Цяпер чытаюць
Мінскі гарадскі суд не вытрымлівае нагрузкі — не паспяваюць судзіць палітвязняў13
Каментары