Ён абвінаваціў дэпутатаў у спробах «прыватызацыі дэмакратыі».
Прэзідэнт Латвіі Валдзіс Затлерс абвясціў у суботу па тэлебачанні аб роспуску сойма (парламента) краіны за некалькі дзён да таго, як заканадаўчы орган павінен быў абраць новага кіраўніка краіны.
«Галоўнай задачай было адкінуць усё, што ляжыць у корані недаверу грамадства да ўлады. Гэта не было зроблена. Адно з галасаванняў паказала сур’ёзны канфлікт паміж заканадаўчай і судовай уладай. Сойм праявіў непавагу да суду. На жаль, гэта адбылося не ўпершыню», — заявіў прэзідэнт.
«Мы бачым, што cойм добра сябе адчувае ў атмасферы хлусні», — сказаў Затлерс.
Прэзідэнт нагадаў, што раней сойм адмовіўся зацвердзіць у пасадзе суддзю з добрай рэпутацыяй. Парламент таксама не пераабраў Яніса Майзіціса на пасаду генпракурора.
Прэзідэнт таксама адзначыў, што ў сойме працягваецца гандаль пасадамі. «Пасты раздаюць сваім, як звычайна. Інтарэсы асобных асоб ставяцца вышэй інтарэсаў дзяржавы», — лічыць Затлерс.
«Ці ёсць дасягненні? У нашай краіны яны ёсць. Мы цудоўным чынам за тры гады пераадолелі крызіс. Мы — прыклад. Прыклад дзеяння. Прыклад вынікаў. Будзем сумленнымі — крызіс дапамаглі пераадолець жыхары Латвіі. Дзеля чаго? Няўжо дзеля таго, каб павялічыць прыбытак алігархаў, дазволіць абкрасці сваю краіну? Каб закон стаў няважным лозунгам?.. На гэты раз мы можам казаць не толькі пра раскрадванне краіны. Можна адчуць, што набліжаецца прыватызацыя дэмакратыі», — заявіў прэзідэнт.
У сярэдзіне наступнага тыдня ў сойме павінны былі адбыцца выбары новага прэзідэнта Латвіі, які ў гэтай краіне абірае парлямэнт. Як адзначаюць мясцовыя палітолагі, якая склалася сітуацыя можа пацягнуць за сабой новы віток палітычнага крызісу ў Латвіі.
Затлерс павінен паведаміць пра сваё рашэнне Цэнтрвыбаркаму, які, у сваю чаргу, абавязаны арганізаваць рэферэндум аб роспуску сойма. Калі жыхары Латвіі падтрымаюць прэзідэнта, то будзе абвешчана аб датэрміновых выбарах у парламент. У адваротным выпадку свой пост пакіне Затлерс.
-
Казахстан пачаў спыняць усе фуры з Кітая ў Расію, дзе патэнцыйна могуць знаходзіцца санкцыёнка
-
«Калі Ізраіль сыдзе, будзе надзвычай небяспечна». Трамп запатрабаваў ад ХАМАС хуткі адказ наконт мірнага плана
-
Уладальніка расійскіх брэндаў «Кірыешкі» і «Яшкіна» прызналі экстрэмістам і канфіскавалі ўсе актывы
Цяпер чытаюць
У Магілёве злавілі маньяка-ліфцёра, які ў 1990‑я згвалтаваў і забіў восем дзяўчат1
У Магілёве злавілі маньяка-ліфцёра, які ў 1990‑я згвалтаваў і забіў восем дзяўчат
«У Віцебску заходзіў у тралейбус і казаў «Слава Украіне!». Украінца ў 67 гадоў пасадзілі за каменты, напісаныя пасля гібелі хроснай дачкі пад абстрэлам у Кіеве1212
Каментары