Міністэрства аховы здароўя ініцыюе распрацоўку законапраекта супраць палення.
Міністэрства аховы здароўя ініцыюе распрацоўку законапраекта па рэгуляванні грамадскіх адносін у сферы тытунекурэння. Пра гэта паведаміла загадчыца аддзела грамадскага здароўя Рэспубліканскага цэнтра гігіены, эпідэміялогі і грамадскага здароўя Вольга Бартман.
Паводле яе слоў, ініцыятыва ведамства ўжо атрымала ўхваленне ў Саўміне. Зараз ідзе праца над уключэннем праекта гэтага нарматыўна-прававога акта ў план на 2013 год.
Паводле слоў спецыяліста, законапраект "будзе рэгуляваць грамадскія адносіны, якія тычаццца спажывання тытуню, супрацьдзеяння гэтаму". У ім будуць адлюстраваныя асноўныя тэрміны ў сферы тытунекурэння.
Плануецца прапісаць пытанні, звязаныя з абмежаваннем курэння ў грамадскіх месцах і, магчыма, поўнай забароны гэтага.Намячаецца выключыць магчымасць ускоснай рэкламы тытунёвых вырабаў, якая дастаткова шырока распаўсюджана ў Беларусі.
У цэлым, паводле слоў Бартман, у законапраекце плануецца прапісаць "агульныя палажэнні, якія пацягнуць далейшыя змяненні ў дзейныя нарматыўныя акты".
Спецыяліст паведаміла, што
ў межах Мытнага саюза і ЕўрАзЭС распрацоўваецца тэхнічны рэгламент на тытунёвую прадукцыю.26 кастрычніка першы праект тэхрэгламенту быў дапрацаваны з улікам заўваг трох бакоў — Расіі, Казахстана і Беларусі. Праект скіраваны на публічнае абмеркаванне, якое павінна праводзіцца на працягу двух месяцаў. Пасля ўнясення канчатковых змяненняў у праект ён будзе зацверджаны.
Па прапанове Беларусі ў праект тэхрэгламенту ўключаныя ў тым ліку і патрабаванні да ўпакоўкі тытунёвых вырабаў. У прыватнасці,
прапанавана выкарыстаць у афармленні ўпаковак тытунёвых вырабаў, апрача папярэджальных надпісаў, карцінкі, якія наглядна паказваюць шкоду арганізму ад спажывання тытуню.Карцінкі-піктаграмы былі ўхваленыя саветам па ахове здароўя пры ЕўрАзЭС. У гэтым праекце тэхрэгламенту прапісана, што карцінкі распрацоўваюць кампетэнтныя органы, звычайна органы аховы здароўя дзяржаў, а ў будучым яны зацвярджаюцца камісіяй Мытнага саюза.
Цяпер чытаюць
«Стаяць на сваім, кожны наколькі можа!» Вялікая гутарка з Наталляй Дулінай пра гопнікаў з ГУБАЗіКа, Калеснікаву і што там у каго ў калоніі13
Каментары