Расійцы рыхтуюць да высылкі прыкладна 100 таджыкаў, якія раней учынілі правапарушэнні.
Таджыкістан плануе накіраваць сваіх працоўных мігрантаў, якія дэпартуюцца з Расіі, у Беларусь. Пра гэта заявіў кіраўнік Міграцыйнай службы пры ўрадзе Таджыкістана Сафіало Дзеванаеў.
«Нам не трэба баяцца дэпартацыі нашых працоўных мігрантаў з РФ, таму што адкрыта дарога працоўнай міграцыі ў Беларусь, — сказаў ён. —
Мы збярэм дэпартаваных і адправім іх у Беларусь».
Нагадаем, што ў кастрычніку гэтага года па выніках візіту прэзідэнта Аляксандра Лукашэнкі ў Таджыкістан было падпісана міжурадавае пагадненне аб працоўнай дзейнасці грамадзян дзвюх краін.
Тэма нелегальнай міграцыі апынулася ў цэнтры ўвагі грамадства і СМІ ў Расіі пасля таго, як суд у Таджыкістане 8 лістапада прыгаварыў расійскага лётчыка Уладзіміра Садаўнічага і яго эстонскага калегу Аляксея Рудэнку да 8,5 года пазбаўлення волі, прызнаўшы іх вінаватымі ў кантрабандзе, незаконным перасячэнні мяжы і парушэнні правілаў палётаў. У Расіі прыгавор назвалі палітычна матываваным і паабяцалі меры ў адказ.
Праз некалькі дзён кіраўнік Федэральнай міграцыйнай службы РФ Канстанцін Рамаданаўскі паведаміў пра затрыманне ў Маскве за парушэнне міграцыйнага заканадаўства 134 грамадзян Таджыкістана і падрыхтоўку да высылкі на радзіму яшчэ прыкладна 100 таджыкаў, якія раней учынілі правапарушэнні.
Цяпер чытаюць
Лукашэнка назваў патрабаванні і прэтэнзіі да Літвы: альтэрнатыўны ўрад, харугвы, порт, машыны для Зімбабвэ, санаторый53
Лукашэнка назваў патрабаванні і прэтэнзіі да Літвы: альтэрнатыўны ўрад, харугвы, порт, машыны для Зімбабвэ, санаторый
«Быў галодны, як з Асвенціма, не еў ні мяса, ні гародніны». Што вядома пра смерць бабруйскага журналіста, на якога завялі крымінальную справу ў Польшчы2424
Каментары