Радзіна: Шуневіч «размаўляў» з палітвязнямі ў турме КДБ
Допыт ён праводзіў не ў спецыяльным пакоі пры СІЗА, а ў кабінеце начальніка турмы.
«Новы намеснік міністра ўнутраных спраў Ігар Шуневіч дапытваў нас, палітвязняў, у турме КДБ пасля арышту 19 снежня, — піша рэдактарка сайта Charter97.org Наталля Радзіна. — Да прызначэння на новую пасаду Ігар Шуневіч быў начальнікам упраўлення па барацьбе з карупцыяй і арганізаванай злачыннасцю КДБ. Але
пра гэта я даведалася толькі сёння, калі ўбачыла фатаграфію чалавека, які так аператыўна замяніў Алега Пякарскага.
Ігар Шуневіч я ўбачыла ўпершыню ў сярэдзіне студзеня ў турме КДБ. Мяне выклікалі да яго на допыт ўжо пасля адбоя ў 22.00. Фармальна гэта быў не допыт, а «размова», бо праходзіла яна без адваката. Такіх «гутарак» у турме КДБ было шмат, у адрозненне ад рэальных допытаў з адвакатамі. Адвакатаў у турму КДБ не пускалі, і нас прэсавалі вось на такіх «вячорках».
Шуневіч адразу заявіў, што не скажа, з якога ён ведамства, і вельмі настойліва прасіў нікому не распавядаць аб нашай з ім «гутарцы».
Шчыра кажучы, я была ўпэўнена, што ён з контрразведкі.Допыт ён праводзіў не ў спецыяльным пакоі пры СІЗА, а ў кабінеце начальніка турмы.
Што цікавіла, як высветлілася цяпер, начальніка ўпраўлення па барацьбе з карупцыяй і арганізаванай злачыннасцю КДБ?
У самым пачатку допыту я, змардаваная за дзень дзвюма такімі «гутаркамі» з аператыўнікам і начальнікам турмы і адным допытам са следчым, адразу заявіла: «Не трэба мяне вербавацьі патрабаваць паказанняў супраць Андрэя Саннікава і Змітра Бандарэнкі!». Шуневіч адразу заявіў, што «ўжо вербаваць ён мяне дакладна не збіраецца». І наагул, адзначыў ён, не праца сайта charter97.org цікавіць следчых КДБ, а яго цікавяць «значна больш сур’ёзныя рэчы».
Цікавілі яго зусім неймаверныя рэчы: сувязі кандыдатаў у прэзідэнты з Польшчай, Германіяй і суседнімі Расеяй і Украінай.Натуральна, дапамагчы яму ў гэтым пытанні я ніяк не магла.
Яшчэ яго вельмі цікавілі аспекты прыватнага жыцця Андрэя Саннікава, у прыватнасці адна вячэра напярэдадні прэзідэнцкіх выбараў у бізнэсоўца Паўла Марыніча, на якой я прысутнічала. Скажу шчыра яшчэ раз — мы проста елі плоў і пераварот не задумлялі.
Дапытваючы мяне, Шуневіч сказаў, што ўжо «гутарыў» з Андрэем Саннікавым і Ірынай Халіп.
«Мы падазраем ўмяшанне знешніх сіл!» — сказаў Ігар Шуневіч падчас допыту кіраўніка выбарчага штаба Андрэя Саннікава Уладзіміра Кобеца. Гэта Валодзя мне распавёў ужо, калі змог збегчы з Беларусі.
Ігар Шуневіч быў таксама заўважаны падчас суда над
Радзіна прыгадвае, што «пасля начнога допыту Шуневіч сказаў, што ад яго меркавання будзе залежаць, ці выйду я на волю».
Цяпер чытаюць
Жыхары Грушаўкі і Міхалова застаюцца без дэпутаткі: чэмпіёнка Мірончык-Іванова збіраецца ў дэкрэт18
Каментары