Актывісты апазіцыі прыйшлі да крыжа памяці па-над кар’ерам на праспэкце Дзімітрава.
Да крыжа яны прынеслі кветкі. Прачыталі малітву, пагутарылі і разышліся.
Ініцыяваў памінальную акцыю актывіст партыі БНФ Сяргей Гіркін.
Ён жа чытаў ля крыжа малітву і выступіў з непрацяглай прамовай: «Мы сабраліся тут, каб ушанаваць памяць бязвінна забітых тут людзей. Да жалю сёння надвор’е не спрыяе. Але ж дзякуй. Я думаю, што ад іх з нябёсаў таксама будзе падзяка, што мы сёння прыйшлі. Ніхто ж не ведае, што нам наканавана, дзе мы будзем заўтра, бо такая сітуацыя ў краіне».
У 1920-30-я на гэтым месцы адбываліся масавыя расстрэлы. Першых, каго бальшавікі пачалі караць ва ўрочышчы, былі каталіцкія і праваслаўных святары.Пазней, як сцвярджаюць родзічы забітых і сведкі, сюды, звозілі асуджаных на смерць і расстрэльвалі.
Праўда пра кар’ер адкрылася ў васьмідзясятыя гады мінулага стагоддзя, калі на месцы расстрэлу, пачалі здабываць пясок.Рабочыя наткнуліся на чалавечыя парэшткі. Была створаная камісія, вынікі працы якой невядомыя грамадскасці дагэтуль. Невядома і колькі было расстраляна людзей.
Пры канцы васьмідзясятых па-над кар’ерам устанавілі крыж.
Цяпер чытаюць
Жыхары Грушаўкі і Міхалова застаюцца без дэпутаткі: чэмпіёнка Мірончык-Іванова збіраецца ў дэкрэт18
Каментары