Прэм'ер-міністр Чэхіі Пётр Нечас абвясціў пра развод з жонкай.
«Мы сумленна спрабавалі ўзгадніць нашы ўяўленні пра сямейнае жыццё. Пакуль мы не разумеем, як выйсці з сітуацыі.Тым не менш, мы пастараемся захаваць павагу адзін да аднаго і да нашых дзяцей», - гаворыцца ў заяве кіраўніка чэшскага ўрада.
Дзве непаўналетнія дачкі Нечаса застануцца на апецы маці, пры гэтым бацька будзе ўдзельнічаць у іх выхаванні. Акрамя дачок, у Петра і Радкі Нечасаў ёсць двое дарослых сыноў.Іх шлюб доўжыўся 25 гадоў. У сярэдзіне студзеня Нечас абвясціў, што ўжо на працягу некалькіх месяцаў ён з жонкай не жыве разам.
Цікава, што ў канцы мая Нечас наведваў Расію, а падчас пралёту над Беларуссю ў яго самалёта трэснула шыба, аднак пілоты не селі над нашай краінай, а дацягнулі да Масквы.
А на мінулым тыдні Уладзімір і Людміла Пуціны абвясцілі пра тое, што развяліся.
Цяпер чытаюць
У Мінску ўсё ж назвалі прыпынкі ў гонар «паляка-рэваншыста» і «русафоба», супраць якіх марна ваявала Бондарава2
Каментары