Вялікабрытанія дазволіла рабіць дзяцей ад трох бацькоў
У Брытаніі прыняты законапраект, што дазваляе выкарыстоўваць гены трох чалавек пры штучным запладненні, перадае BBC.
Законапраект, што дазволіць рабіць дзяцей тром бацькам, прыняты Палатай абшчын, яшчэ мусіць прайсці ўзгадненне ў Палаце лордаў. Чакаецца, што ён набудзе сілу ў канцы кастрычніка 2015 года.
Вялікабрытанія стане першай у свеце краінай, якая дазволіць такую аперацыю.
Штучнае запладненне з выкарыстаннем генетычнага матэрыялу ад трох бацькоў дазволіць дзіцю пазбегнуць хвароб, што перадаюцца ад маці. Пры такой аперацыі ад маці дзіцю дастанецца толькі 0,1% генетычнага матэрыялу.
Два метады «трайнога» запладнення
Пры гэткім штучным запладненні ў эмбрыёна з пашкоджанай мітахандрыяльнай ДНК выдаляюцца ядры, што дасталіся ад бацькоў, ды перасаджваюцца ў здаровы донарскі эмбрыён.
Іншы метад — ядро заплодкавай вузы маці, у якой пашкоджаная мітахандрыяльная ДНК, перасаджваецца ў заплодкавую вузу іншай жанчыны, пасля чаго адбываецца запладненне донарскай заплодкавай вузы генетычным матэрыялам бацькі.
Мяркуецца, што каля 150 дзяцей ад трох бацькоў будуць нараджацца штогод.
Міністры назвалі прыняцце законапраекту «святлом у канцы тунэлю» для многіх сем’яў.
«Мы тут не гуляем у боа, мы хочам быць упэўненыя, што бацькі, якія захочуць мець здаровае дзіцё, атрымаюць такую магчымасць», — заявіў прэм’ер-міністр Дэвід Кэмеран.
Цяпер чытаюць
У Мінску ўсё ж назвалі прыпынкі ў гонар «паляка-рэваншыста» і «русафоба», супраць якіх марна ваявала Бондарава10
Каментары