Следчыя органы абнародавалі некаторыя падрабязнасці справы аб спробе ўцёкаў з суда Савецкага раёна Мінска 20 лістапада мінулага года.
Як паведаміў афіцыйны прадстаўнік упраўлення Следчага камітэта па Мінску Аляксандр Герасімаў, ініцыятар уцёкаў матываваў свае дзеянні нервовым зрывам у сувязі з незадаволенасцю ходам судовага працэсу і, у прыватнасці, нежаданнем быць асуджаным на працяглы тэрмін пазбаўлення волі, пра які хадайнічаў дзяржабвінаваўца перад судом.
Паводле інфармацыі следства, у раённым судзе разглядалася крымінальная справа аб махлярстве, учыненым групай асоб у асабліва буйным памеры. Пасля заканчэння судовага пасяджэння двое братоў 1979 і 1983 гадоў нараджэння, якія праходзілі па справе ў якасці абвінавачваных, у канвойным пакоі аказалі супраціў супрацоўнікам міліцыі і спрабавалі уцячы. Дзякуючы зладжаным дзеянням канвою спроба ўцёкаў прадухілена.
Спрабуючы ўцячы, старэйшы брат скарыстаўся фрагментам металічнай трубы, знойдзенай у адным з памяшканняў агульнага карыстання. Ім ён нанёс аднаму з канваіраў цяжкія цялесныя пашкоджанні, але супрацоўнік міліцыі здолеў абясшкодзіць нападаўшага. Два іншыя канваіры прымянілі спецыяльныя сродкі і фізічную сілу для спынення дзеянняў зламысніка і малодшага брата, які спрабаваў аказаць яму садзейнічанне. Пры гэтым былі зробленыя папераджальныя выстралы з табельнай зброі. Траўміраваны супрацоўнік міліцыі быў шпіталізаваны, яму аказана кваліфікаваная медыцынская дапамога.
Нагадаем, абвінавачваныя — грамадзяне Казахстана, жыхары Алматы.
Старэйшы з фігурантаў абвінавачваецца ў спробе ўцёкаў з-пад варты, учынены групай асоб з прымяненнем насілля (ч. 1 арт. 14 і ч. 2 арт. 413 КК) і замаху на забойства супрацоўніка міліцыі ў сувязі з выкананнем ім абавязкаў па ахове грамадскага парадку (ч. 1 арт. 14 і арт. 362 КК); малодшы — у спробе уцёкаў (ч. 1 арт. 14 і ч. 2 арт. 413 КК) і дапамаганні ў замаху на забойства супрацоўніка міліцыі (ч. 6 арт. 16, ч. 1 арт. 14 і арт. 362 КК).
Цяпер чытаюць
У Магілёве злавілі маньяка-ліфцёра, які ў 1990‑я згвалтаваў і забіў восем дзяўчат3
У Магілёве злавілі маньяка-ліфцёра, які ў 1990‑я згвалтаваў і забіў восем дзяўчат
«У Віцебску заходзіў у тралейбус і казаў «Слава Украіне!». Украінца ў 67 гадоў пасадзілі за каменты, напісаныя пасля гібелі хроснай дачкі пад абстрэлам у Кіеве1212
Каментары