Пратэсты былі праігнараваныя.
У панядзелак, 22 чэрвеня ў Гуансі-Чжуанскім аўтаномным рэгіёне на поўдні Кітая прайшоў чарговы фестываль сабачага мяса ў горадзе Юлін, распавядае Daily Mail. З этычных прычын мы не публікуем фота працэсу гатавання.
З прыкладна 10 тысяч сабак жыўцом злупілі скуру, каб згатаваць іх згодна традыцыі святкавання летняга сонцастаяння.
Паведамляецца, што на мяса падчас фестывалю прадаюцца не толькі сабакі любых парод, але і каты з кацянятамі.
Прыхільнікі фестывалю, якіх было нямала на вуліцах гарадоў, на кірмашах і ў рэстаранах, кажуць аб каштоўнасці старажытнай традыцыі ды нагадваюць крытыкам аб заходняй традыцыі ядзення індыка на Каляды.
Праціўнікаў фестывалю набралася нямала — толькі на Change.org петыцыя набрала амаль паўтара мільёна подпісаў. Але іх аргументы не былі пачутыя. Дзесяць пратэстоўцаў на вуліцах былі разагнаныя неапазнанымі людзьмі.
Па звестках ганконгскай арганізацыі Animals Asia, у Кітаі штогод забіваюць дзеля ежы каля 10 млн сабак, хаця традыцыя ядзення сабак не распаўсюджаная ў большай частцы краіны.
Цяпер чытаюць
Маштабны збой у трох беларускіх банках: з рахункаў знікаюць грошы5
Каментары