Гарачае і сухое надвор'е ўсталюецца ў Беларусі ў першы тыдзень жніўня. Аб гэтым паведаміў начальнік службы Рэспубліканскага цэнтра па гідраметэаралогіі, кантролі радыеактыўнага забруджвання і маніторынгу навакольнага асяроддзя Дзмітрый Рабаў.
«Сярэдняя тэмпература паветра ў першай дэкадзе жніўня чакаецца на 3—5 градусаў вышэйшай за норму», — адзначыў ён.
У аўторак будзе без ападкаў. Тэмпература паветра ўначы складзе 11-17 градусаў цяпла, удзень чакаецца ад плюс 26 па поўначы да плюс 33 градусаў па паўднёвым захадзе. У Мінску прагназуецца невялікая воблачнасць, без ападкаў. Вецер будзе няўстойлівы слабы. Тэмпература ўначы складзе 13-15 градусаў вышэй за нуль, удзень - каля 30 градусаў цяпла.
У сераду будзе пераважна без ападкаў. Тэмпература паветра ўначы складзе 12-19 градусаў вышэй за нуль, удзень - плюс 27-34 градусы. У Мінску прагназуецца невялікая воблачнасць, без ападкаў. Вецер будзе няўстойлівы слабы. Тэмпература ўначы складзе 15-17 градусаў вышэй за нуль, днём будзе каля 30-32 градусаў цяпла.
У чацвер таксама ападкі не прагназуюцца. Тэмпература паветра ўначы складзе 13-20 градусаў цяпла, удзень чакаецца 28-34 градусы вышэй за нуль, па паўднёвым захадзе месцамі паветра прагрэецца да плюс 35.
У пятніцу на фоне высокага ціску будзе праходзіць малаактыўны атмасферны фронт, у асобных раёнах магчымы кароткачасовыя дажджы, навальніцы. Тэмпература паветра ўначы складзе 14-21 градус цяпла, удзень будзе 28-34 градусы вышэй за нуль, па паўднёвым захадзе чакаецца да плюс 36.
У суботу будзе пераважна без ападкаў. Тэмпература паветра ўначы складзе 14-21 градус вышэй за нуль, днём - 30-36 градусаў цяпла.
У нядзелю ў асобных раёнах, пераважна па поўначы, лакальна пройдуць кароткачасовыя дажджы, навальніцы. Тэмпература паветра ўначы складзе 15-22 градусы цяпла, днём чакаецца плюс 30-36 градусаў.
Пажаранебяспечная абстаноўка будзе пагаршацца ў сувязі з тым, што ў большасці раёнаў краіны ў бліжэйшы час ападкаў не чакаецца і тэмпература паветра будзе паступова расці.
Цяпер чытаюць
У Магілёве злавілі маньяка-ліфцёра, які ў 1990‑я згвалтаваў і забіў восем дзяўчат1
У Магілёве злавілі маньяка-ліфцёра, які ў 1990‑я згвалтаваў і забіў восем дзяўчат
«У Віцебску заходзіў у тралейбус і казаў «Слава Украіне!». Украінца ў 67 гадоў пасадзілі за каменты, напісаныя пасля гібелі хроснай дачкі пад абстрэлам у Кіеве1212
Каментары