Папа Францішак адлятае на Кубу, сам нясе свой партфель, сам закрывае дзверцу машыны ВІДЭА
Сустрэча Папы і кіраўніка Рускай праваслаўнай царквы пачнецца, як плануецца, каля 22:00 паводле мінскага часу ў аэрапорце Гаваны. Чакаецца, што сустрэча за зачыненымі дзвярыма прадоўжыцца каля трох гадзін.
Па выніках сустрэчы Папа Францішак і патрыярх Кірыл падпішуць сумесную дэкларацыю. Дэкларацыя ўжо ўзгодненая, аднак яе тэкст не раскрываецца.
Крыніцы кажуць, што супольная заява Папы і патрыярха будзе палітычнай па сваім характары, а не тэалагічнай. Прадстаўнікі кіраўніцтва РПЦ, у сваю чаргу, заявілі, што сустрэча будзе прысвечана палітычным і сацыяльным пытанням — пытанні багаслоўя і царкоўнай дагматыкі падымацца не будуць.
Мяркуецца, паведаміла крыніца ў Ватыкане, што галоўнай тэмай гутаркі Папы і патрыярха стане генацыд хрысціян на Блізкім Усходзе. Менавіта гэтая праблема прымусіла іх сустрэцца менавіта цяпер.
Каментары