Парашэнка заявіў, што ўзгадніў з Пуціным алгарытм вызвалення Надзеі Саўчанка
Прэзідэнт Украіны выказаў надзею, што яму з прэзідэнтам Расіі Уладзімірам Пуціным удалося ўзгадніць папярэдні алгарытм вызвалення ўкраінскай лётчыцы Надзеі Саўчанка.
«Учорашняя размова з Пуціным была па маёй ініцыятыве, і на падставе папярэдніх напрацовак, мне здаецца, што нам удалося ўзгадніць пэўны алгарытм вызвалення Надзеі», — сказаў Парашэнка ў ходзе сумеснай з прэм'ер-міністрам Даніі Ларсам Расмусэнам прэс-канферэнцыі ў Кіеве ў аўторак.
Украінскі прэзідэнт паведаміў, што ўжо даў шэраг даручэнняў для адпрацоўкі механізму вяртання ўкраінскай лётчыцы ва Украіну
«Сёння ў мяне адбудзецца сустрэча з мамай і сястрой Надзеі, мною будуць дадзены адпаведныя даручэнні Міністэрству юстыцыі для таго, каб адпрацаваць іншыя механізмы. Адпаведныя даручэнні атрымаў міністр замежных спраў (Клімкін), і гэта складаная праца, я мяркую, павінна быць завершана як мага хутчэй вяртаннем Надзеі дадому», — сказаў Парашэнка.
«Прынамсі, я падкрэсліў, што гатовы адправіць прэзідэнцкі самалёт для таго, каб разам з маімі прадстаўнікамі забраць Надзею дадому, і як мага хутчэй вярнуць яе ва Украіну», - сказаў прэзідэнт Украіны.
Ён таксама нагадаў, што абмеркаваў з прэзідэнтам Расіі магчымасць допуску да Саўчанка нямецкіх дактароў.
Цяпер чытаюць
У Магілёве злавілі маньяка-ліфцёра, які ў 1990‑я згвалтаваў і забіў восем дзяўчат6
У Магілёве злавілі маньяка-ліфцёра, які ў 1990‑я згвалтаваў і забіў восем дзяўчат
«У Віцебску заходзіў у тралейбус і казаў «Слава Украіне!». Украінца ў 67 гадоў пасадзілі за каменты, напісаныя пасля гібелі хроснай дачкі пад абстрэлам у Кіеве1212
Каментары