Урад Швецыі 2 сакавіка верне вайсковы прызыў — праект вяртання да прызыўной арміі падтрымалі ўсе партыі парламента.
Швецыя адмяніла прызыў сем гадоў таму. Нягледзячы на тое, што з пачатку XIX ст. Швецыя не ўдзельнічала ў ніводнай вайне, у 1901 г. у каралеўстве быў уведзены вайсковы абавязак. У гады халоднай вайны службу па прызыву праходзіла да 85% мужчынскага насельніцтва Швецыі. З тых часоў колькасць прызыўнікоў паступова скарачалася.
Да 2005 года вайсковаабавязанымі лічыліся толькі мужчыны, але з 2010-га было дазволена прызываць і жанчын. У тым жа годзе прызыўную армію вырашылі цалкам замяніць прафесійнай.
У пачатку 2016 года было праведзена апытанне, якое паказала, што больш за 70% жыхароў краіны падтрымліваюць вяртанне вайсковага абавязку.
Чыноўнікі тлумачаць вяртанне прызыву «расійскай пагрозай».
2 сакавіка Петэр Хультквіст заявіў выданню Nyheter24, што рашэнне ўрада звязана з агрэсіяй Расіі ва Украіне, а таксама з частымі выпадкамі шпіянажу і «іншымі крызісамі, у тым ліку на Блізкім Усходзе».
Аднак існуе і іншая прычына: нежаданне жыхароў Швецыі ісці ў прафесійную армію.
Кіраўнік Мінабароны ў інтэрв'ю «Шведскаму радыё» прызнаваў, што ўрад «сутыкнулася з цяжкасцямі», спрабуючы падтрымаць колькасць добраахвотнай арміі на неабходным узроўні.
Вайсковы абавязак не будзе ўсеагульным.
Першы прызыў адбудзецца 1 ліпеня 2017 года. Спярша 100 тысячам маладых людзей, якія нарадзіліся ў 1999 і 2000 гадах, разашлюць паведамленні і анкеты, прысвечаныя вайсковай службе. Затым з іх выберуць 13 тысяч чалавек, чатыром тысячам з якіх трэба прайсці вайсковую службу ў 2018 і 2019 гадах.
У далейшым мяркуецца паступова павялічыць колькасць прызыўнікоў да 8 тысяч чалавек у год. Шведы, якія нарадзіліся да 1999 года, будуць вызваленыя ад прызыву.
Аснову войска па-ранейшаму будуць складаць кантрактнікі
Цяпер чытаюць
28‑гадовай беларусцы пасля жудаснай аварыі ў Тайландзе не могуць аказаць дапамогу — няма патрэбнай крыві1
Каментары