Паліцыянты на грэцкім востраве Сантарыні
падстрэлілі мужчыну, які, як мяркуюць, адразаў галаву ў сваёй дзяўчыны й хадзіў зь ейнай галавой у руках па вуліцах.
Паліцыянты на грэцкім востраве Сантарыні
Як перадае карэспандэнт Бі-бі-сі ў Атэнах Малкалм Брабант, пераляканыя жыхары вострава, папулярнага між турыстаў, зачыніліся ў сваіх дамах і выклікалі паліцыю.
Паволде паведамленьняў, 35-гадовы мужчына, які сьцяў галаву ў настаўніцы, якой было ня больш як 30 гадоў, быў знаны як раўнівец і задзіра.
Прадстаўнік уладаў паведаміў грэцкай тэлевізіі, што мужчына аказаў супраціў паліцыянтам, якія спрабавалі яго арыштаваць, і параніў нажом твар аднаму зь іх.
Падазраваны кінуў адрэзаную галаву ў адну з паліцэйскіх машын, а пасьля забраўся ў паліцэйскі джып і паспрабаваў уцячы.
Аднак праз 400 мэтраў ён урэзаўся ў матацыкл, на якім ехалі дзве доктаркі. Абедзе жанчыны атрымалі сур’ёзныя раненьні.
Пасьля гэтага паліцыянты адкрылі агонь і нанесьлі падазраванаму пяць раненьняў.
Як сказаў адзін зь відавочцаў здарэньня, адна з куляў рыкашэтам трапіла нейкай жанчыне ў нагу й сківіцу.
Улады вырашылі даць вайсковы самалёт, каб выправіць падазраванага й некаторых параненых ім людзей у Атэны для правядзеньня тэрміновых апэрацый.
-
Жыхар Ваўкавыска падклаў пад нагу пластыкавы кантэйнер і стрэліў сабе ў нагу з вінтоўкі. Ён ставіў цікавы эксперымент
-
«Забілі маю сястру, а праз некалькі месяцаў здарылася трагедыя са школьніцай». Беларускі — пра маньяка, якога лавілі 25 гадоў
-
У Баранавічах раскрылі забойства 26‑гадовай даўніны. Тады забілі 16‑гадовую дзяўчыну
Каментары