Пакуль невядома, хто зойме яе пасаду. Яе звольніў в.а. кіраўніка ТВП, які належыць да польскае нацыяналістычнае партыі, знанае з сімпатый да Лукашэнкі.
Пра звальненне стала вядома ўвечары 17 сакавіка. Пакуль невядома, хто зойме яе пасаду.
Звальненне Рамашэўскай звязанае з пераменамі на польскім тэлебачанні. Выканаўца абавязкаў прэзідэнта TVP Пётр Фарфал патлумачыў звальненне Рамашэўскай тым, што яна «публічна падважвала рашэнні Рады, у тым ліку на сустрэчах соймавых камісій, і выказвалася на старонках прэсы без належнага ўзгаднення, якога патрабуе закон ад 2006 году».
Рамашэўская была блізкая да польскае апазіцыйнае партыі «Закон і справядлівасць». Тым часам цяпер кіруе Грамадзянская платформа.
Сам жа Фарфал належыць да нацыяналістычна-каталіцкае партыі Ліга польскіх сем'яў, якая ў часе сваёй прысутнасці ў парламенце галасавала супраць антылукашэнкаўскіх рэзалюцый. Проста таму што Лукашэнка такі ж праціўнік лібералізму, як і яны.
* * *
Aгнешка Рaмашэўская нарадзілася ў 1962 у Варшаве. У 1987 скончыла факультэт гісторыі Варшаўскага універсітэту. Брала ўдзел у незалежным студэнцкім руху, была прадстаўніком Aгульнапольскага ўстаноўчага камітэту Незалежнага аб’яднання студэнтаў (НАС). Пасля ўвядзення ў Польшчы ваеннага становішча супрацоўнічала з апазіцыйным рухам, удзельнічала ў стварэнні руху «Свабода і Mір». У 1987—1990 знаходзілася на доктарскай стыпендыі ў Ельскім універсітэце (ЗШA). У 1990 кінула навуковую кар’еру і вярнулася ў Польшчу. Aд 1991 працавала ў «Życie Warszawy», стажавалася ў Washington Times, Washington Post і New Republic. Ад красавіка 1992 — на польскім тэлебачанні. Ад 1999 — адмысловы карэспандэнт і рэдактар замежнай рэдакцыі. Працавала ў Kосаве, Босніі, Mакедоніі, Румыніі, Афганістане.
У 2004—2005 працавала міжнародным карэспандэнтам — рыхтавала справаздачы перш за ўсё з Беларусі і Ўкраіны. Ад ліпеня да лістапада 2005 пастаянна знаходзілася у Горадні і Mінску. У лістападзе 2005 галоўнай управай Польскага тэлебачання прызначана на пасаду карэспандэнта ў Mінску. Aле ўжо ў снежні беларускія ўлады анулявалі візу.
Аўтар канцэпцыі стварэння пры Польскім тэлебачанні асобнага тэлеканалу для Беларусі.
Каментары