На апошнім тыдні слупок тэрмометра часта трымаўся ля адзнакі 30 градусаў. Не дзіва, што беларусы спяшаюцца ратавацца ад такой спёкі ля вады. Паглядзелі, што зараз адбываецца на берагах самых вядомых азёр.
Нарач
Найвялікшае беларускае возера традыцыйна карыстаецца папулярнасцю ў турыстаў. Нарач цэняць за чыстую і празрыстую ваду, а праз вялікія памеры часам нават называюць «Беларускім морам». У возеры жыве больш за 25 відаў рыбы, так што зацятым рыбакам таксама ёсць чым тут заняцца.
Браслаўскія азёры
У адрозненне ад Нарачы, на Браслаўскія азёры больш едуць па актыўны адпачынак. Тут папулярныя адпачынак у палатках і велашпацыры, тым больш што велапракат на Браславах добра развіты. За гадзіну язды, каля Мёраў, ёсць яшчэ дзве цікавінкі: балота Ельня і вадаспад на рацэ Вята (адзіны ў Беларусі).
Свіцязь
Палаткі на беразе гэтага возера не ставяць, бо запаведная зона, затое за пару кіламетраў ад Свіцязі ёсць абсталяваныя кемпінгі з усім неабходным. Тут можна адпачыць на двух вялікіх пляжах і збіраць ягады ў рэліктавым дубова-грабава-сасновым лесе.
Лепельскае возера
Гэта адно з самых глыбокіх беларускіх азёр. Яго берагі дужа зрэзаныя, таму пры сваёй малой плошчы Лепельскае возера займае трэцюю пазіцыю сярод беларускіх азёр з самай доўгай берагавой лініяй. На яго беразе стаіць горад Лепель, дзе варта пабачыць касцёл Святога Казіміра, пабудаваны ў другой палове 19 стагоддзя, і шэраг іншых будынкаў таго перыяду.
«Наша Нiва» — бастыён беларушчыны
ПАДТРЫМАЦЬАдпачынак на Браслаўскіх азёрах. Колькі ў гэтым сезоне каштуе зняць пакой, дом ці заняць месца на турстаянцы
Колькі каштуе адпачынак на Нарачы і Блакітных азёрах
Цяпер чытаюць
«У такую ж галечу, ды яшчэ і халодную, пакістанцы не паедуць». Беларус пяць тыдняў правёў у Пакістане — вось што яго ўразіла25
Каментары