Большасць студэнтаў БДУ лічыць прымальнымі гомасэксуальнасць і аднаполыя шлюбы
Вынікі нядаўніх сацыялагічных даследаванняў сведчаць пра істотныя адрозненні ў поглядах беларускай і расійскай моладзі па гэтых пытаннях.
Вынікі сацыялагічнага даследавання «Каштоўнасныя арыентацыі студэнтаў БелДУ і БДУ» былі апублікаваны ў зборніку навуковых артыкулаў на выніках навуковай канферэнцыі, якая прайшла ў 2024 годзе. Аўтаркамі даследавання з'яўляюцца Ева Гольман і Кацярына Заводчыкава, студэнткі Белгарадскага дзяржаўнага ўніверсітэта, якія па абмене вучацца ў БДУ.
Даследаванне ў расійскім БелДУ праводзілася ў сакавіку 2024 года, у ім прынялі ўдзел 100 чалавек — студэнты 3—4 курсаў Інстытута грамадскіх навук і масавых камунікацый БелДУ. Варта адзначыць, што такая выбарка занадта малая і недастаткова для дакладнага аналізу, бо можа мець высокую статыстычную памылку.
А вось даследаванне ў беларускім БДУ было сапраўды маштабным — у лістападзе 2023 года ў ім ананімна ўзялі ўдзел 1982 чалавекі. Былі апытаныя студэнты 3-4 курсаў 15 факультэтаў універсітэта, а таксама Інстытута бізнэсу і Міжнароднага дзяржаўнага экалагічнага інстытута імя А. Дз. Сахарава. Такой выбаркі больш чым дастаткова нават для вельмі вялікіх сукупнасцей, што робіць вынікі па БДУ надзейнымі.
Найбольш цікавым пры параўнанні вынікаў даследаванняў стала пытанне аднаполых адносін, якое паказала найбольшае адрозненне паміж расійскімі і беларускімі студэнтамі. Сярод апытаных студэнтаў расійскага БелДУ 35% лічаць прымальнай гомасэксуальнасць, і толькі 32% называюць прымальныя аднаполыя шлюбы.
А вось сярод беларускіх студэнтаў погляды па гэтых пытаннях істотна адрозніваюцца. Амаль дзве траціны апытаных студэнтаў БДУ — 65,1% — лічаць гомасэксуальнасць прымальнай, а 61,5% падтрымліваюць магчымасць аднаполых шлюбаў.
Аўтаркі артыкула тлумачаць такую разбежку тым, што БДУ — гэта сталічны ўніверсітэт, а БелДУ — усяго толькі адзін з многіх рэгіянальных універсітэтаў Расіі. Пры гэтым па такіх пытаннях як чайлдфры, аборт і мнагажонства значных адрозненняў паміж беларускімі і расійскімі студэнтамі не выяўлена.
«Наша Нiва» — бастыён беларушчыны
ПАДТРЫМАЦЬЦяпер чытаюць
«Калі ўжо сюды прыляціць украінская ракета!» Вызвалены журналіст Яўген Меркіс расказаў пра шклоўскую калонію10
Каментары
Цікава яшчэ, ці яны спяць у трусах ці не і як часта какаюць? Гэтага не было ў даследванні?